وش جميلات الهنود@ وش لميس وش نجاه

نعمـة الله بالوجـود=خبر حبـك مبتـداه
فاض دمعي ياعهـود=واغرق الكون وغطاه
كن حالي غصن عود=ميتن وسـط الفـلاه
يا صغيـر يـاودود=ياقمرنا فـي سمـاه
حاكمن قلبـي وزود=مثل حاكم في حمـاه
وردتن بين الـورود=ريحها يجذب شـذاه
عطرت روض النفود=عقب غيثن قد سقاه
اشكر الله بالسجـود=عد نجمن في عُـلاه
وعـد وراد العـدود=يوم حبك لي عطـاه
لك مواثيق وعهـود=بالوفى طول الحيـاه
ولك عهدنا ياعنـود=غيركم يحرم غـلاه
لو نضرنا كل خـود=يشبهنه فـي حـلاه
وصفها وصفن يكود=والموصـف مالقـاه
ثغرها بارق رعـود=يجهر العاشق سنـاه
ورمشها صفة جنود=صفصفوهم للمشـاه
ومشيته ثقل بركـود=مايناضر مـن وراه
ليتني احمـر خـدود=والا روجن في شفاه
من عريبين الجـدود=جدها واللـي تـلاه
وش جميلات الهنود=وش لميس وش نجاه
كلهن مثـل القـرود=في حضور اجمل فتاه

عبدالله الصقري معجب بهذا