البير جماء وغطاها

السلام عليكم ورحمة الله وبركاته
مساكم الله بالخير
للتواصل واتمنى الجميع بخير

ياسلام الله سلامً يسعد الخاطر ويسره=كنه السحب العذيه لارعدت ثم جاك ماها
من هجوس الشاعر اللي يعرف اللولو ودره=ماتنازل للذهب واهل الذهب طيب نباها
لايازمان العجايب مختلط خيره وشره=والاوادم تختلف في يوم وليله وش بلاها
من تكلم فالحقيقه قالو في قلبه مضره=ومن ينافق في وجيه الناس محبوبً معاها
والدراهم ترفع الرجال وتزيده مسره=وتتبعه كل القوافل لو ماتحصل عشاها
والبلا في رجل صامت مايحب الهرج مره=اهرجوبه مادرو عن بيره الجماء وغطاها
مانعم الخلق ولانجرح قلوب. مستقره=فيه ناسً وافيه ربك رفع في مستواها
طيبهم مثل النجوم اللي تشاهد بالمجره=ماتغيرها نفوسً عاجزه تاصل سماها
لانضيق ولانكل ولانمل ولا نتشره=رزقنا عند الولي الناس ماندور رضاها
يارفيقي في زمانً مختلط خيره وشره=ابتسم واضحك وخل الناس تطحن في رحاها

النجلاء ,الملكة ,خيال مطير معجبون بهذا

وعليكم السلام

الله يمسيك بالخير

صح الله لسانك اخوي احمد رايع يعطيك العافيه

خيال مطير معجب بهذا

عليكم السلام
مرحبا ومسهلا
حياك الله يالسليمان
من حظر ماغاب واخر الغيبات ان شاء الله
صح لسانك ملايين يالمبدع
نص فاخر وجميل
مرةري وتقديري
لاهنت

خيال مطير معجب بهذا

صح لسانك أحمد السليمان مبدع
ابدعت بتوظيف الكلام مايدور بالواقع
اسعد الله مساك بكل خير

خيال مطير معجب بهذا

صح لسانك وبيض الله وجهك

وعليكم السلام

صح لسانك ولا هنت احمد

يعطيك العافية

صح لسانك ملايين احمد السليمان
قصيدة جميلة في منتهى الروووعه
تحياتي
ريوف

الله الله
صح لسانك ملايين
ابدعت وامتعت ولاهنت شاعرنا
دمت ودام مداد قلمك ورقي حرفك الفاخر
وأخر الغيبات ان شاء الله يسعدنا ويشرفنا تواجدك
تقديري لسموك
النجلاء