امشّي السالفـة .. من طيـب نيّـاتي

امشّي السالفـة .. من طيـب نيّـاتي
لو هـي على وجههـا و الا مقفّـاها


مدامنـي صح .. لا افكـر ولا احاتـي
واللي نوى لـي بـ نيّـة سـوء يلقاها


أشوف نـاسٍ تضاعفني من سكاتي
ماتـدري النفس عدّتها من رضاها


وأشوف ناسٍ تبي تكسر طموحآتي!
و الحمد للـه أجيهآ .. و أتعـدّاهـا


يامدور الشعـر يوم تـدور أبياتي
أبشـر بمزنة تهل ولا وقـف ماها


همت ودمت هوآهآ صرصرً عآتي
سويتها يوم رب العـرش سواها


من مزنة سيلت تمشـي بمشهاتي
يسوقها البـدع والمعنـى تقفاها


أنا على فطرتـي ما صنـع بذاتي
وحلاة طبع البشـر على سجاياها


يالله تغفر لـ حيي وترحـم امواتي
اللي عرفت السنـع مع جرة خطاها


وياللي سمعت الوصية جود وصاتي
القلب مصخـي بها والعقـل يدراها


يامن تحـاول تهـّد جبـال أباناتي
فكـر قبل هدهـا وشلـون .؟ ترقاها


أنا ولـد شـايـبٍ تكـرم شنباتي
عن مستوى العفن والرديان ولحاها


كم لحيةٍ ماهـي بـ كفو ابتساماتي
بعض المجامل يحد النفس لقصاها


ولا أعرف أقول آنساتي قبل ساداتي
كيف افهق رجالهـا واقلط نساها ؟!


لو يزعل اللي زعل هـذي قناعاتي
البنت ماهـو مركـى الرجل مركاها


البنت يصلـح عليهـا ثـوب بناتي
ماتصير قبل الرّجـال اللـي تعزواها


وياللـي تصيـد بغلطاتـي وزلاتي
أنا بشـر والبشـر ما أكثر خطاياها


أنا بدوي في بـلاد الجـود مرباتي
والناس ترجـع لمعـدنها ومرباها


بعض الرجال يتبـدوا خـرط كالآتي :
جيب..ومعه طير..وأبشربه..وشرواها


وشرواك طيب..وفعل جدي..وغزواتي
والمرجلة قال خلوهاااااااااا .. وخلاها !!


ولازم مبهـذل وثوبه وصـخ ويهاتي
ولايعـرف الـبـداوة وش .. معنـاها




ترا البـداوة سلـوم .. وفعـل واثباتي
وثقل , وعقل , مع رجـال عند مبداها


وحشمة , وشيمه , ووقفه عند كلماتي
وعزه , وهيبة , وستـر اللـي تنخاها


يالله ,, يالله ,, تـرزقـني .../ بنياتي

واللـي معـه نيـة بالسـوء يلـقاها

عبدالكريم الجباري الشمري

ريوف ,الملكة معجبون بهذا

صح لسان شاعرها
ولا هنت خيال ع نقلك المتميز
دمت بود

خيال
صح ذوقك واختيارك الراقي
شاكره لك جهودك
تقديري لك
النجلاء

مدامنـي صح .. لا افكـر ولا احاتـي
واللي نوى لـي بـ نيّـة سـوء يلقاها


أشوف نـاسٍ تضاعفني من سكاتي
ماتـدري النفس عدّتها من رضاها


وأشوف ناسٍ تبي تكسر طموحآتي!
و الحمد للـه أجيهآ .. و أتعـدّاهـا



قصيده في منتهى الروووعه
صح لسان شاعرها
وصح ذوقك واختيارك خيااال
تحياااتي
وتقديري لسموك

اقتباس:

المشاركة الأصلية كتبت بواسطة الملكة

صح لسان شاعرها
ولا هنت خيال ع نقلك المتميز
دمت بود

صح بدنك
لاهنتِ ملكة

اقتباس:

المشاركة الأصلية كتبت بواسطة النجلاء

خيال
صح ذوقك واختيارك الراقي
شاكره لك جهودك
تقديري لك
النجلاء

كلك ذوق
يالنجلاء
تقديري لكِ

خيال مطير
صح ذوقك ياذوق
انتقاء جميل كجمال طلتك
مروري وتقديري
لاهنت

رآآآآآآآآآئعه جدااااا

يعطيك العافيه خيال

وتسلم يمينك ويسلم ذوقك