مجاراة الجيب سريته

ناصر الهواوي :

سرى الليل ياراكان وا ليلك الساري=وانا اللي درير الهجس بالقاف سريته
ذكرت وركبت الجيب ياطول مشواري=ووصلته ولا نلته وصنته وفريته
وبعد عقَّب الديره خلافه طرا طاري=تخوفت اقول شوي لو كنت مريته
درا بي واناداري به بمرتي داري=وعن قوله لك الله ما دريت إبك دريته
بناره تدفيت وطفت عقبها ناري=وعلى نور ناره كل مافيِّ وريته
لجل يدري ان ثوب الكذب لابسه عاري=والله مانوى يكذب وانا منه بريته
حلفت وحنثت ورحت له زاير اجباري=وانا سرني شوفه ولا اظن سريته
دوادي مهذري غير ما كان له جاري=لو اني سلمت وحلفي العام بريته

[/QUOTE]


صح لسانك دوم يابو عبيد
و راكان من حزبي وغايب وانا انوب عنه بالمجاراه
جازت لي ابياتك بلحيل :h9:

سريت امتعنّي والهوى حكمه إجباري = يكرّك هوى المحبوب والجيب كرّيته
طبيعي! مادام انك على شوفته ضاري = ليا غاب قمت اتحن والصوت جريته
ومدام ان قلبك باريه بالهوى باري = ما الومك لو ان اتصيح والثوب قريته
وقبلك يناصر ضقت حتى من ازراري = حصل ماحصل لي وانت يالعود طريته
وليفي فرا لي قلبي بطلقه الناري = بدأ بالمضره لي ولا قط ضريته
ولا هان راسي له ولا هان مقداري = ولا رحت ادندن له ولا قد تحريته
ليا صار لي بايع وانا كنت له شاري = وما كنت له خاين ولا قط غريته
ابا احاول اسلى عنه واشكي على الباري = ولاعاد التفت له لو على الدرب مريته