فى الليله القشرا

السلام عليكم يارواسي نجد العزيز

متواضعه راجيا لها القبول

في ليلةٍ قشرا بها الهم فاجر= و فيها العنا هايج وثاير غباره
والبال شاين من عنا الضيم ضاجر= والعين تقدح من سهرها شراره
وفالحال يعصف باس الاقدار زاجر= والضيق في صدري تدابك مهاره
رجل ابمصايب خلق ربي يتاجر= في شرعه استغلال خلقه شطاره
ماني بفضل الله فيهم متاجر=من يستغل الخلق يفقد وقاره
ولانيب لاارزاق المخاليق حاجر= والجود شيد في ظميري دياره
ولا كل من يملك من المال ياجر= ولازادت اموال الخسيس اعتباره
اما رماك المال قاع الدياجر=ولا شهر بك فوق راس المناره
ورزقي على وهّاب زمزم لهاجر=في صحصحٍ به للواهيب غاره
وبارضٍ خلا فيها الضواري تشاجر=أمّن ولدها واغدقه من ثماره
من فضل ربي من غنى النفس تاجر= وعرف الزحازيح النشامى تجاره
وانا بدر طير الحرار المهاجر= نادر على روس الشواهيق داره
حر ان كفخ يفج جوّه خناجر =يسبق هواه وللعوالي مساره
حرٍ على نفسي أخاف الحناجر= اللي هدفها نسف راس الطهاره
وارق قلبي من دموع المحاجر=على الضعيف اللي تزايد دماره
واقسى على النمرود من قلب فاجر= وفى حلوق ظلام الاوادم مراره
ومعروف طبعي ما احب المناجر= مادام فرسان الفعل مستثاره
وفي قلبي اسباع الشجاعه تزاجر=وبالراس طنخه وايتقادح نعاره
ومن شر هالليله لفجري بهاجر= وابترك شقا ليلٍ حرقني شراره

بدر ناصر المورقي

((1))

والله الواحد


حجز فاخر ولي عودة تليق بهذا النص الفاخر.......

وانا بدر طيـر الحـرار المهاجـر = نادر علـى روس الشواهيـق داره
حر ان كفخ يفـج جـوّه خناجـر = يسبـق هـواه وللعوالـي مسـاره

الله الله يابو ناصر كفو والله
نص شامخ ورائع
بحضورك الرائع والجزل
لنتلذذ بقرائة الشموخ من عناوينه
صح لسانك وكلك يابدر
ودام بوحك بكل خير ومعزه

الغالي خالد الغنامي

وجزك محله القلب ياذيبان

تحياتي

كفو يا بدر
صح السانك مدد
قصيده جزله من راس جزل

صــــــــــــــــــح لساااااااااااااااانك

قصيده حلووووووووووووووه

الله يعطيك العافيه

بدر لله درك...

على هذا الجوهره الثمينه كتبت// وامتعت

صح لسانك مدد لا عدد...

[[تقديري واحترامي]]

البناخي

اعذرني على التاخير والتقصير

وصح لسااانك لين ترضا

تقبل تقديري