هنا .. سجن القوافي !!

ههههههههههههههه
صح لسسانك ي ابوعبيد
ولاهنت على هذا الحضور الفخم

يامواعدني وانا كلي وله
اسبق العطر وتعال بموعدك
آآه من ليل انتظارك ماطوله
وآآه ياخوفي من اني افقدك..

رحيل معجب بهذا

ارحب ياعازف وصح لسانك وبدنك

مضى اول ليال العيد واليل هذا اتلاه=والافكار دكت مالها اول ولا تالي
قد قيل البشر كلٍ يغني على ليلاه=وانا بالغنا مانيب داله ولاسالي
ان كان استمرت بي على هالوضع عزاه=لهالمترجف بين الحنايا وعزالي
وانا مقتنع ما احدٍ تحقق جميع مناه=من ذاك المسا وانا اتصبر ولا ازالي
ليا قلت ابا ادعي قلت جعل الولي يراعاه=لو انه على قلب الشقى مركي الصالي

السلام عليكم
كل عام وانتم بخير جميع
ابو عبيد صح لسانك حضور فخم
عازف صح لسانك ولاهنت على الحضور
رحيل صح ذوقك ياذوق

رحيل معجب بهذا

اقتباس:

المشاركة الأصلية كتبت بواسطة ناصر الهواوي

رحيل اولا استغفري ومافيهحاله تدوم وهذا من فضل الله وقد قيل
(ثمانيةٌ لابد منها على الفتى= ولا بد ان تجري عليه الثمانيه)
0سرورٌ وحزنٌ واجتماعٌ وفرقةُ= وعسرٌ زيسرٌ ثم سقمٌ وعافيه)

استغفر الله العظيم واتوب اليه . نعم ودوام الحال من المحال ..
هذا حال الدنيا يوم فرح ويوم حزن
مهما تعيش لحظآت جميلة تأكد أنك ستمر بلحظات صعبة
ولكن تذكر يا شاعرنا إن التفاؤل شيء جميل تفالو بالخير تجدوه (:
ويبقى الأمل ايضاً ..
وعلينا دائما أن نتوقع الخير والتوفيق في أمورنا كلها
‎وأن نلتزم التفاؤل من بآب إحسان الظن بالله .
فلنكن دائما متفائلين (:

عازف الشوق معجب بهذا

مساكم الله بالخير اهل سجن الرواسي

يسعد صباحك ومساك يا طير حوران ..


ياحظكم ياللي تنامون بدري !
النوم لا جاكم بسرعه تجونه

الليل ماقّدر مع النوم عذري
من ياخذ عيوني وانا اخذ عيونه

النجلاء ,صـدووودٓ معجبون بهذا

السلام عليكم وصباحكم ورد وخير وكادي
من امس يقول الموقع تحت الصيانه وقلت ان شاء الله انهم يضربونه بويه افتح من هاللون الداكن لكن قدر الله وما شاء فعل ههههههههه
مرحبا بالجميع
ــــــــــــــــــــــــــــــــــــــــــــــــــ ــ

ياخفير السجن هات محمد الغنامي=كان مابالسجن احد كرفس محمد جوفه
جاه ماجا ربعنا من قبل عام العامي=الشهر يتبع شهر يادوب يحصل شوفه
خله يريح ليالي بالسجن وينامي=عاد لوهو رجل بزنس مشتهر وش نوفه
قل له ايروق هنا ويدقق الارقامي=يعرف الربح من الخساره ويتبدد خوفه
آااه من قلبٍ تقول ايرجه اتسونامي=يرهجه هم الغياب اللي صمل ويلوفه
ياخفير السجن لو صحت الضحى ما انلامي=ولو حصل لي لوم لااضربه بعرض الطوفه

عازف الشوق ,صـدووودٓ معجبون بهذا