قولوا لرعيان الغنم لا ينامون = اشوف بالمرعى مواطي ذيابه.......

صح السانك وعتلىَ شآنك
على هالابيات الموزونه بالذهب
سلمت ولاهنت ودمت بالطليعه .."

كلام سليم لاهنت يانديم المجره

صح لسانك ملايين
ابيات جزله وكلها فخامه
لاهنت يااخوي
تقبل مروري واحترامي

اقتباس:

المشاركة الأصلية كتبت بواسطة نديم المجره

في ظل هذا التطور السريع في عالم الاتصال. يجب على الوالدين مراقبة الابناء

قولوا لرعـيان الغـنم لايـنـامـــون=اشـوف بالمرعى مواطي ذيـابه
قولوا لهم خذوا الحذر لاتغـفـلون=كـم غـافـلٍ اصبـح حـلالـه نهـابه
قـولوا الـذيابه بالغـداري يغـيرون=والجوع ينسيها الخطر والمهابه
والذيب مايومن على مايـقـولـون=يغـرس بارقاب الفرايس نيـابـــه
تلقون ضرب انيابها كنها طعـون=وجر المخالب مثل جـر الحـرابـه
اقـسم برب البيت ماني بمجــنـون=ولاني ردي الاصل ولاني زلابــه
اشـوف أشـياءٍ لـهـا ما تـشـفـون=تغيب عن بعض العـقـول النجابـه
اقول قـولي والخـلايـق يعـرفــون=خير الملا من قـبـلـنا قـد حكى به
لابــد مـايــومٍ إلى الله تـعـــودون=وكلٍ يبي يُسأل عن اللي رعى بـه
اللي رعـوا بالشر للشر يجـنـون=واللي رعى بالخير يجني ثـوابــه

احمد بن عبدالرحمن العريفي

(نديم المجره)

الله الله
ياسلام عليك وصح الله لسانك شاعرنا
كايفه ونايفه وجزله من شاعر جزله من شاعر جزل ومبدع
دمت ودام مداد قلمك ورقي حرفك الشامخ
تقديري وتقييمي لك
النجلاء

صصح لساااانك يانديم المجره
على هالقصيده الاكثر من رااائعه لاهنت
تقبل مروري وتحياتي

اعزائي اعضاء المنتدى
اشكركم على مشاركتكم في موضوعي واقدر لكم حسن ثنائكم
الله يسعدكم

صح لسانك نديم المجره جزله من جزل

صح لسانك وسلم منطوقك شاعر مبدع وجزل
استمتعت بتواجدي بمتصفحك
دمت بخير وسعاده دائمه