احدى روائع الشاعر المميز / فهد بن سعد الشهراني

يا اصحابنا ليه عالطيب تماديتوا
واخفيتوا النعم والزلّات منشوره

واللاش يرهن لحاكم ماتحاكيتوا
في ساقته ماطلعتوا يوم عن شوره

يلعب بكم زين لارحتوا ولا جيتوا
المال خلّا ردي الفعل اسطوره

وفي مجلسه لا دعاكم ماتعديتوا
رجلينكم كنّها لرضاه مبتوره

وان جاء يصلي صلاته معه صليتوا
وان فاتته فاتته ماهي بمذكوره

مدري بعد يوم صليتوا توضيتوا
اهل الريا عند راعي المال مأجوره

لكن مع الوقت يفنى ماتقاضيتوا
ولاّ بتفنون وكلٍ ينتظر دوره

حنّا بشر والبشر مهما تناسيتوا
نرحل ولا في البشر من دامت ادهوره

المال مارجّع الأعمار لقفيتوا
والفقر مانقّص الرجّال فشهوره

ربيتوا المال لكن ماتربيتوا
على العطا جعل يمنى اللاش مكسوره

جيتوا المجالس لكم حاجات واخذيتوا
واللّي عطاكم مرض ماقلتوا نزوره

اتجون امّا تغديتوا تعشيتوا
في مجلسٍ من رجل الأنذال محظوره

يا اصحابنا لا شبعتوا ثم تقهويتوا
خذو الفناجيل مانبغالها صوره

تحرم مقهويبها يلّي ترديتوا
اخاف عدوى الردى والناش مستوره

ملكة الرواسي ,محمد الغنامي معجبون بهذا

محمد القحطاني
صح لسانك ولسان شاعرها
نقل جميل وذائقه اجمل
مروري وتقديري
لاهنت

هلا وغلا ياابو بندر

الف الف الف شكر على المرور الرائع

ابدعت في نقلك
يعطيك العافية

هلا وغلا ياملكة الرواسي

الف الف الف شكر على المرور الرائع

ابن عبيان
يسلم ذوقك الراقي ياذوق
انتقاء جميل كما تعودنا من سموك
دمت ودام عطائك ووجودك المشرف
تقديري لسموك
النجلاء

هلا وغلا ياالنجلاء

الف الف الف شكر على المرور الرائع

صح لسانك ولسان شاعرها
ذوق جميل وانتقاء اجمل
يعطيك العافيه
احترامي