ليله مـضـة مـاهـي بـكـل اللّيـوله

ليله مـضـة مـاهـي بـكـل اللّيـوله
فيها شربت من اشـقر البن فـنجال

مـن كـف مزيونه هـجـاج وخـجـوله
مكـحـولة الطرفـين متـوشّحه شـال

فــزّيــت فــزّة نـــادرٍ صــوتـو لـه
قـصّـرِ عــلـوفـه مـدة ايّـام ولـيـال

من ماحدثلي والرمـوش الكـسوله
منها اختلفـت وقلت ياسـاتر الحال

تـرا الـكـلام يـروح قـصره وطــولـه
عطني صحيح العلم عن كل الاحوال

قالت صـحيح النـفـس يمـّك ميوله
وابطيت ماشـفتك ولاجـان مرسال

واخـذت انـا ويّاه بالــحـلم جــوله
باالـحلم صـادفته وانـا رائق الـبال

صحيت من نومي وانا شوف زوله
واثره خـيـاله قــدم عـيني ولازال

خـلٍ ثمـان اسنين مـادجت حـوله
ادراه عـن هرجــة مقــاريد وانذال

واصبحت كــنّي مالكٍ كـنز دولـه
بس اتـخيّل وقـفته سـمح الاقبـال

التوقيع مساعد الجليدي