محاورة رائعه

بسم الله الرحمن الرحيم

السلام عليكم ورحمة الله وبركاته


هذي المحاورة الرائعه التي جمعت بين شاعرين من أعلام شعر الرد

وهي بين الشاعر المرحوم مطلق الثبيتي

والشاعر الكبير أحمد الناصر




مطلق الثبيتي

قبل شهر رمضان الليل هذا مثل ليـل العيـد=عسى ربي يطول عمر من نمشي على نـوره
تهرج يا احمد الناصر وصك الحيد جنب الحيد=ولا تزعل على مستور والاحـوال مستـوره

احمد الناصر

اظن العيد عيد للجميـع مبـارك وسعيـد=وهذي عادة ما تختلف لعيال اخـو نـوره
عسى من قاد راسك يالثبيتي ما يفيد الفيـد=ترا مستور اخوي ورفقته في القلب مبذوره

مطلق الثبيتي

ترا عقل البني آدم يا حمد الناصر سواة القيد=يخلي السر دايم صرة في الجيب مصروره
نسيت الفقه والتوحيد والتفسيـر والتجويـد=بعد عودت معهم كل يـوم تلعـب الكـوره

احمد الناصر

تهرج يالثبيتي انت ابو ما تشتهـي وتريـد=وليا ضيعت دربك نزهدك في راس باكوره
تكايدني واناخا برك رجال تحـب الكيـد=جوازك للسفر ما فيه توقيـع ولا صـوره

مطلق الثبيتي

عطوك البندقية مار ياجعلك تصيد الصيد=لها روحين صار البندقة ما هيب ممهوره
يجيبون الدوا للعود يبونه يصيـر وليـد=وليا شافوه يعرج بين اهل رابغ ومستوره

احمد الناصر

تشوف اللي قريبه يالثبيتي ما تشوف بعيد=سواة التاجر اللي في البحر غرقان بابوره
اظن الفقع في جنب الرقه والعلم بالتأكيـد=ولو ما تحسن اللحية لقيت البيض منثوره

مطلق الثبيتي

انا ما ابغاك تمشي فالدروب العوج يا بوزيد=ولا يطرحك درهام الجمل فالارض عنكوره
انا با خذك بالمعروف وانت العم وانت السيد=رجاجيل الجميلة بين كل النـاس مشهـورة

احمد الناصر

تهددني ولايزمل عميلك راعـي التهديـد=واخبر الناس يا رجال منهية ومـا مـوره
نبي نرضيك يا رجال والميت عساه شهيـد=وعقب اقرا عليك العاديات من أول السورة