للهجر صبر وفيه للجرح دكتور

السلام عليكم ورحمة الله وبركاته

صباح / مساء الخير

لكم هذه القصيده واتمنى ان تنال على اعجابكم

ياللي نويت اليوم قطع الوصالي=على الوصل يازين منته بمجبور
حتيش لو انك من الناس غالي=للهجر صبر وفيه للجرح دكتور
مدام مال الحب عندك مجالي=لاتعتذر ياهيه منته بمعذور
ومدام هان الحب واللي مضى لي=لاتحسبني بعد فرقاك مقهور
غرك جمالك والحسن والدلالي=اثر الغلا ماينعطى شخص مغرور؟
لا والذي سواك ياراس مالي=ماني بشاكي لك من الهم والجور
ياما وياما قد براء الهم حالي=وياما تحملت العنا ايام وشهور
تدرين وشهو مشغل اليوم بالي=قلب (ن) رهنته لجلكم .. مسمع الشور
واليوم يوم ان الغلا ماصفالي!=انا اشهد اني بعد فرقاك مسرور
اعرف تراء لله كل الكمالي=وانته على ماصار روح ومشكور