الصوره الافتراضيه

هي حركت بي شعور احيا مواتٍ قديم=من صورةٍ شفتها ياليت ما شفتها
من قبلها كنت اظني بالتحمل عديم=الا ودمعه تهل العين ما خفتها
لين اصبحت يابو فارس مثل هتان ديم=والرمد من ما جرا كلٍ تلوم اختها
ياشينها يالربع لاوقعت فالصميم=ماطحت من دون ماقعها ولا طفتها
لعل من ذكرتني به لجنة نعيم=لناسٍ بها تستقر يقال يابختها
يارب حنا بوجهك عن عذاب الجحيم=اللي طعام الضريع المر من نبتها
رب اهدنا للصراط الواضح المستقيم=اللي مواريه للعراف رسمتها
وصلوا على المصطفي ما شيف بالجو غيم=ما لاح برق ودوى رعد وكسر صمتها

محمد الغنامي ,منحى البتول ,عبدالله الدّنّيش و 5 آخرون معجبون بهذا

رحيل ,ابوفارس ,ملكة الرواسي ,عبدالله الصقري ,الجووهره