"مسلسل غريب"

لـ التواصل مع التاج
عسى ان تطيب للذائقه,,,

لاتنبش الجرح أماانه,خل جرحي يطيب=تراك ياروح روحي سبّة جروحي
أنت الغلا وانت نور العين وانت الحبيب=يافاهمٍ رمزي وُمغزاي ومزوحي
عالج مواجع خفوقي,سو نفسك طبيب=وافتح عياده عشاني يابعد روحي
طبيب نفسي واجي لك وانت تسأل واجيب=مابين سينك وجيمي يذهلك بوحي
مريضه اشكي عليك الحال مافيه عيب=مسموح افضفض على الدكتور مسموحي
تخطيط قلب وإشاعه,كشف طبي عجيب=تقرير عن حالتي فـ .ابْرنت مشروحي
نسخه معي وانت نسخه,يالبعيد القريب=قسمة عدل لين يدفَى الشوق من فوحي
ويذوب ثلج الغرام وشمس بُعدك تغيب=ويزول ذاك الظلام ويبعده شوحي
ويطيب طعم الحياة ان كان ودك يطيب=والا تروح وتخف خْطاك واروحي
واكوي جروحي ولو للكي ماتستجيب=واصبر على ماجرَى والصبر ممدوحي
واكتب من خيوط شمس الصبح ربي حسيب=والاحي الورق لين تنوح من نوحي
حاله غريبه تسلسل في مسلسل غريب=في شاشة العين لاتنطق ولاتوحي!

متيم ,محمد الغنامي ,خيال مطير و 5 آخرون معجبون بهذا

عبدالله الصقري ,ملكة الرواسي ,الجووهره ,عبدالله الدّنّيش ,ريم الفلا