جربت بالدنيا اهل الخبث والطيب

ياسلام عليك ياشاعرنا

قصيدة جزلة صح لسانك يابو فهد

مفرداتك القديمة تعني لي الشيء الكثير,قرأت عدة أبيات استوقفتني ومنها هذا البيت:

وشفت الرجال انواع طحطوح ورعيب

اسـمـع كـلامـي كـــان بـــالاذن تـوحــي

واستوقفتني كلمة(رعيب)يعني خايف

وذكرت بيت للشاعرة العصيمية-كان ماخانتني الذاكرة- تقول متغزلة متوجدة على فقيدها على وقت ابن هندي الله يرحمهم جميع:

ياسعود يومنك لحقت العزيبي=لاواهنيك يالمقاطي هنياه

والشاهد قولها :

يفداه ابن هندي مجر الرعيبي=لو كان شيخٍ والمراكيب تنصاه

ويفداه ابن سحمان سقم الحريبي=اللي نطالع ظلم مع درب شلفاه

مجر الرعيبي:مجري الخايف اللي صايبه رعب!

عز الله إنك مبدع ياشايبنا الموقر صح لسانك مرارًا ,ولولا ضيق الوقت أسهبت في جمالياتها,وتستحق الإسهاب الذي يعيدنا لماضينا الجميل!

استمر طال عمرك!

والتقدير لك,,,

محمد الغنامي معجب بهذا