الـبـنـادم لـو على مـا قيل ياعي

26-10-2017, 10:55 PM

الـبـنـادم لـو عـلـى مـا قـيـل يـاعي
يعرف أن الارض مــا دامــت لغيره

مير فــي درب الطمع للحين ساعي
يحسب أن المــوت لا جـا يستشيره

والبشر ما تستـوي لاش وشجاعي
بين ضحـك وبـيـن دمــع وبين حيره

تختلف با اشـكـال وأفعال وطباعي
مثل فرق البدر عـن شمس الظهيره

ناس عاشـت بالمعاصي والخداعي
تفسق بـديــره وتـخــدع وسـط ديره

وناس عاشت بالمــواجـع كل ساعي
للـحـزن فــي اقلوبهم دار وجــزيـره

والمـصـيبـه بـيـنـهـم حـرب ونـزاعــي
يالله انــي طالبك فــــي الأمـر خيره

كـل عــــامٍ فـيــه تـنــهـار السـبـاعي
والــروخــوم تـعـيــش فـي ظله كبيره

كــل مـا فـكـرت فـيـه إنـسـان واعـي
خـاب ظـنـي فـي مـخـالـيـقٍ كـثـيـره

الـبـنـادم مـا يــعــيــش بــدون راعي
تـحـت ظــل الـغـرب والفرس الحقيره

بـعـد مـا كنا هـــل الــدفـع الـربـاعي
فـي المـــواقـــف والمـهـمـات الخطيره

انـحـنـت الأبـطال فـي كــــل البقاعي
لـيـن صـار الـجـار مـا يـأمـن قصيره

خـابـت الآمـال فــي اللـي مـا يراعي
هـاجـس الـشـاعـر ومـقـنـاصه وطيره

مــاخــذن دور المـهـاجـــم والــدفـاعي
يـاعـرب قـولــو مـتــى يصحا ضميره

الشاعر بشير العتيبي

محمد الغنامي ,رحيل ,ملكة الرواسي و 1 آخرون معجبون بهذا