جاب الاعياد 》

للتواصل ..

يالربع انا قلبي له ايام ماعاد=هو مثله منوّل ترا القلب عانا
كله سبايب واحدً جاب الاعياد=لين الحزن ياناس جا واقتفانا
اصيح بالذكرى القديمه ولا فاد=واشعل شموع الذاكره في سمانا
واسهر ليال الضيق والناس هجّاد=واقول جانا يازمن ماكفانا
ماصعب من النشده ليا جاك نشاد=هذا البلا لا قيل جانا بلانا
ولامن سألت وقالو الناس ماعاد=قلت اكذبو قولو ترا فلان جانا
خلوني اهدا من سكاكين الاجهاد=واقنع ضميرً من عذابه تدانا
واقول حبّه شَرب قلبي مع الزاد=لو طالت الغيبه ترا مانسانا
ماغير اجامل خاطري غصب وعناد=والا القهر من ميسمه قد كوانا
قولو له اني منتظر منه ميعاد=واني على لقياه صعب اتوانا