,, الأمـل ,,

سامريني يانجووم الليل أنا ما ابي القمـر=القمر ماله أمان يغيـب ويخلـي خويـه
يانجووم الليل مَعْك ايطيب وقتي والسمـر=مابعد غبتي ولا ليله وأنـا طبعـي وفيـه
بلغي شوقي ترى قلبي على حـر الجمـر=لا يَحَسْب إني بعد فرقاه في عيشه هنيـه
وبلغيه إني علـى فرقـاه دمعـي ينهمـر=كل حلمي والأماني والأمل..يرجـع عليـه
علميه وخبريـه البيـت عقبـه ماعمـر=العمار بْحضرته لاعاد لـي والفـيّ فيّـه
وعلميه بْحالي اللي فـي غيابـه مندمـر=وكيف أقضّي في غيابه..ذا الليالِ السرمديه
وعلميه إن الغياب المر..لوطـول العمـر=بانتظر يرجع علي..لو فالحشا مليون كيّه
وعلميه الامـر لله مافـي إيدينـي أمـر=وعلميه أنه ولو غايب معي مادمت حيـه