الهجوس

كيبورديه امل ان تحوز الرضاء والقبول

ولي هجوسٍ لاذكرها الله بخير=قامت تشاوتني ضحى واشوتها
عرضتها صدرٍ مثل صدرالبعير=وارويتها عقب اكتفت من قوتها
مجبور اوردها عاى البحر الغزير=يالين يسمع كل قاصي صوتها
اما تجملني مع الجمع الغفير=ولاتقبلت العزاء في موتها
الوضع ماهو زين والمسرى خطير=ملزوم اميز لقدمي وثبوتها
اثبت الخطوه على مهلي واسير=قدمي سباعٍ ماش شي يفوتها
لعيون من ماله وسط قلبي خشير=اكل تماسيح البحور وحوتها
معرب الجدين وله شداد امير=من ربعتٍ دايم كبار بخوتها
امارته عن جد بالسيف الشطير=مالد في ختوم العرب وبشوتها
ولي هواجيس الضحى مدري العصير=ترخي علي ان جات جيلبوتها