تحل المعضله ؟!؟

السلام عليكم ورحمة الله وبركاته

مساء الخير عليكم يا رواد الرواسي


ابيات جديده حبينا نعرضها عليكم
.
.
.
.


الجواب اللي بدا ما له سؤال
والسؤال أصعب من أني أسأله

دام نشيان الغلا روس الرجال
ما يعيش اللي رضى بالمهزله

المعزه والكرامه راس مال
هيه حذرا من جهلك تقلله

السموحه يا تفاصيل الجمال
ما هقيت اني بابيع المرجله

ما بنا كامل ولله الكمال
هاه..جبت العلم..والا تجهله؟

استمع دامك تبي خف الثقال
الستار اليوم لازم نسدله

دام كل الكون قافيه الزوال
ودام قلبك ماق يوم ادلله

كم سقيتك من قراحي والزلال
وكم شربتك يا رحيق المنحله

في ظروفك شفت تحريم الحلال
وفي ظروفي كل شي تحلله

ما ألومك دام لاقلتي..تعال
صابني سحر المشاعر وارسله

لين باتت كلمتي فوق الرمال
ونسنس السافي عليها و الوله

دك في صدري وهشم له الجبال
وﻻ تبعت المقفيه والمقبله

والله اني ما تركت أية مجال
للبشر..صاير سواة المعضله

باح سدي لك..وﻻ فيها جدال
من بعد ما باح جات المشكله

صرت أجي شفقان لغصون الوصال
آتغنى..وآتمنى..لو صله

تدفن اللي راح من ضيم الليال
وتطلق اللي قيدته السلسله

بين نور آمال وأحلام وخيال
وبين تصريف الظروف المذهله

سقت شوقي لك على درب المحال
ما بغيت الا فؤادك أوصله

عشت افكر في شعورك حال..حال
لين صرت أقول ما ﻻ تقبله

ابتعدت أعلمك قدري..بدال
ما تصرفني على اللي تنقله

الوفا طبعك..ولكن الدلال
أوهمك بأنك ملكت المعضله!