الباب والسده

ياوافي الجود راعي الباب والسـده=اللي يفل الحجاج ان جـاه ضيفانـي
ماهو بخبلٍٍ ضعيف لا رحـم جـده=عبوس وجهه لون الجيـب مليانـي
هذاك مابيـه فالصحبـه والا عـده=اخـاف لمشـي معـه والله يبلانـي
انا خويي تـرى افخـر فيـه واوده=كريم سبلا وستـر لكـل عريانـي
خويي اللـي معـي في اللين والشـده=ثابت كما الجدي في وسط السما باني
سلام يا صاحبـي ياراعـي المـده=اللي تداوي المرض وتزيل الاحزاني
ياصاحبي فدوتك خبلٍ سكـن جـده=وافداك كل رخمه واحد ورى الثاني
لاهاض فكري بحر في جزره ومده=تلاطم الموج بـه لولـو ومرجانـي
امسيـسٍ والجـدر يبنيـه مـاهـده=يشيل تاج الفخر بسمـي وعنوانـي
ياهيه سيفٍٍ رهيـفٍ يقطعـك حـده=فالحبك والسبك والمعنـى والالحانـي
لكن ماني معـه قلبـي ولـه مـده=في يد حبيبٍ خـذاه وراح ماجانـي
من شاافها يقول قلبٍٍٍٍ عندهـا تـرده=قـدام بكـره تدورنـي ماتلقـانـي