يابنت قلبي من حناياه مخطوف

عسى ان ترتقي لذائقتكم

يابنت قلبي من حناياه مخطوف
مخطوف والسّارق محنّك وخطّاف

والمتّهم شفته وهو حوله يحوف
ويقول هذا القلب غالي وينحاف

ماتدري ان القلب لاحظك ويشوف
وانتي تحسبين انه اعمى ولاشاف

لاباللّه يشوفك ويحماك من خوف
ان جا عليك خلاف يفزع ولاخاف

انتي وريد القلب ردّيه ياريوف
عشان ينبت لك بساتين وارياف

شوفيه قدّامك ولاهوب مسروف
واحميه من كل الخيانه والاسراف

واروي عروقه لين يروى من الجوف
تراه ما يشرب ياكود من الاجواف

رقّاك قلبي مستشاره على الشّوف
وانا بقيت بمنصبي تحت الاشراف