لولا الفقر

لولا الفقر ماشفت عز ٍ ونومـاس

لولا الغنى ماشفت شخص ٍ فقيـري

حكمه من الوالي ولاتفهـم النـاس

أن الغنى والفقـر شـي ٍ خطيـري

ولولا المحبه وألتعايش مع أجناس

ماسمعـو العالـم بعنتـر كسيـري

ولاقالو أبن القيس ضايع ومحتاس

دمعه على ليـلاه مثـل الغديـري

وأنا بلاي وعلتي قلـب حسـاس

أقولها ياهل الهوى مـن ضميـري

عرض عّليه جادل ٍ لابس ألمـاس

عينه كما الفنجال خصره صغيـري

فيه الغنج زايد ولاهـو بمقيـاس

لو شافها طيـر السعـد مايطيـري

(واحّمس قلبي حمس بن ٍ بمحماس)

يوم أشر بعينـه وجانـي نذيـري

شايل رساله والرقم بين الاقـواس

ومارية العنـوان بايـع حريـري

ورديت له ياناس رد ٍ على سـاس

أنا على وضح النقـاء مايصيـري

صحيح معجب دون حب ٍ ولاباس

مثلك مثل غيرك عّرض في مسيري

يقوللي بغنيك وأطلب من الـراس

حـاول تفكـر قبـل لاتستخيـري

يازين روح مالنا فيـك نومـاس

الرزق عنـد الله وأبطـرد بعيـري

لولا الفقر ماشفت ذل ٍ على نـاس

لولا الامل يازيـن مـات الفقيـري