خــمــرّة الكــأس

السلام عليكم ورحمة الله وبركاته

يسعدني الانظام لكوكبة هذا الصرح الشامخ

واشكر صاحب الدعوة

وهذه مصافحة أولى

حث الركايب عسعس الليـل عسـاس=جفنه سهير النـوم صـار استحالـه
امقارعات الشلف واسيوف والطـاس=واصهال خيـل المعركةفـي الطبالـه
دارت رحاها من على قـب الافـراس=بفزوع روق اللـي وصفهـا الطوالـه
وفي سلمهن ما يقبل اخماس واسداس=ترسي الجبال الشامخـة فـي نزالـه
من يدعي ما اقـام حجـه بقرطـاس=ولقاضـي الأحكـام يثبـت مقـالـه
و ينقض كلامه من عن الحق ماهاس=وعلـم الفراسـة موهبـه بإرتجالـه
رجل(ن)على حمل المهمـات مدبـاس=راسه عنيـد وطايـل الطيـب طالـه
و ابشر عن علوم الحيا عقب الارماس=عـس الديـار و ريّـح البـال دالـه
وعنق المهاه اللي جفول من الأوناس=له روض محمي مرتعـن لـه لحالـه
في فلسفة فكري على حسب الأجنـاس=نظـرة شموليـة ومنـبـر عـدالـة
ومهما أني احاول صعيب ارضي الناس=ولا لـي علـى ذريّـة آدم وكـالـة
ولا لا تخاف ولا تلعثـم بالاحسـاس=والخـوف جعـل الله يعجـل زوالـه
و داوي الجروح اللي جداد(ن)ودرّاس=ترى طبيب الجـرح يكسـب جمالـه
مايترك المجروح في وضـع محتـاس=لو كل مـن حولـه عمـام و خوالـه
وارقد ملا عينـك عوافـي ولا بـاس=لـو يأخـذ التفكيـر ساعـة مجالـه
قسط (ن) من الراحه يبدد لك عمـاس=وما لا تطيقـه مـا طلبـت احتمالـه
كل المشاعر لك على طـول حـراس=وما لا يجـوز لخاطـرك لـك بدالـه
بنظرة تفائـل تنتفـي نظـرة اليـأس=و على النوايا الكـل يبنـي إحتمالـه
و أنا ادري إنك يا اتلع الجيد حسّـاس=نظرة عقـل ماهيـب نظـرة جهالـة
يا من على شانـك تبنيـت مقيـاس=ولا للمدلـل غيـر نحـفـظ دلالــه
من بيننـا كـل الصعوبـات تنـداس=القدر عالـي صعـب كـل(ن) ينالـه
و لك في حنايا الصدر مركى ومجلاس=يا ملهمـة نبضـه و فوحـة دلالـه
و إن كان ناقوس الخطر دق الأجراس=أشـر ويكفـي وانـت خلـه بفالـه
في الجو بجناحه وفي البحر غطّـاس=ومـع الفيافـي مـا تونّـى رحالـه
قد حرّم الشارع لنـا خمـرة الكـاس=و صرنا نميّـز للـحـرام و حـلالـه
وخمر المشاعر يروي غصون يبّـاس=صافي صفاه ونايـف الطيـب جالـه
تعبيري وقلته مـن الـراس للـراس=ما ارسلت مع ساعي البريد الرسالـة
شعر ومشاعر مالهـن حـد وقيـاس=من عقل صاحي مـا تشوبـه ثمالـه
وجسورهن راسي عمدهن مع السـاس=لو بعض الأجواء كل يـوم(ن) بحالـة
و عدودهن من جمّ ياعـذب الأنفـاس=فيضه وغيضه نابـع(ن) مـن زلالـه
و ذراه عن سافي الهبايب والاطعـاس=زرعه يحيطه مـن جنـوب وشمالـه
و النفث منهن مع صبا نجد نسنـاس=نفث المباخـر فـي مجالـس شكالـه
العود الأزرق من صلو جمـر نسـاس=وغطى على انفاس الحضور اجتوالـه
و النور منهن به لميعٍ مـن المـاس=في خرمسـي الليـل يضـوي حِلالـه
والعزم به من عهـد تُبّـع وجسـاس=مـا ينثنـي عـزمٌ تــورّد حبـالـه
وشعر الغزل له داخل الجوف نبـراس=وبالغصب ريم الصيد يوصف جمالـه
فيه التفاتـة جيـد وعيـون نعّـاس=وإن شاف له زيله جفل مـن ضلالـه
ولياوصف ل /اصايل الخيل ما سـاس=لكـن يمـيـز طيـبـات السـلالـه

,
,,
,