وشلون ياعينن هدبها مضاليل

السلام عليك ورحمة الله وبركاته

يا طول صبري ولليالي غرابيل=ما فيه ليله ما تعنيت ساعه
يحدني حد الريش بالمساحيل=حب(ن) عليه القلب شيد شراعه
ولا بد من يصبر يجيب المحاصيل=ونا صبرت ومخلف العهد باعه
بحريت(ن) ما برقعت في المحابيل=محدن نقلها فوق مقدم ذراعه
وشلون يا عيينن هدبها مضاليل=تركتني من دون حتى وداعه
ونا على شانك وطيت البهاذيل=وسريت في ليلٍ تعاوى سباعه
ولا فادني مسراي من دون قنديل=ولا فاد مضراب الخطر ولشجاعه
ولا فاد نضرات الهواء ولمراسيل=خسرت مثل اللي خسر في البضاعه
وليوم بيبان الهواء بالمقافيل=قفلتها من يوم شفت القطاعه
يسدني عنكم فراش ومعاميل=وجيبٍ يلبيلي بسمعن وطاعه

وسلامتكم