التعصب الكروي

لمعالي رئيس هيئة الرياضة تركي آل الشيخ مع التحية:
فينا همومٍ اوجعتنا
يا معالي المستشار
كلها بسبة كورتنا
خذها كلمة باختصار
للتعصب حودرتنا
وعقلنا من الراسِ طار
مرمرتنا وقردتنا
وبعضنا وصل شهار
غربلتنا وفرّقتنا
وطال فينا الانتظار
وانت املنا وبركتنا
كلك حكمة واقتدار
لك امورٍ شرفتنا
فيها تعديل المسار
الشاعر:عوض الرويلي
#معالي رئيس الهيئة تركي ال الشيخ

محمد الغنامي ,ملكة الرواسي ,عهد معجبون بهذا

صح لسانك مليوووون
نص جميل ورائع لاهنت

عوض صح لسانك ولاهنت

لا هنت شاعرنا
يعطيك العافية

عوض الرويلي
الشعر رساله وانت اوصلت الرساله
صح الله لسانك وبيض الله وجهك ياجزل
وتركي ال الشيخ يستحق الشكر والتقدير على ماقدم وهو الرجل المناسب فى المكان المناسب
تحيتي وتقديري

صح الله لسانك ملايين يالرويلي
واكيد صوتك وصل شاعرنا
دمت ودام مداد قلمك ورقي حرفك
تقديري لسموك
النجلاء

الله الله
عوض الرويلي
صح لسانك مليون
شاعر جزل ومبدع
شهادتي فيك مجروحه
دمت بخير وعافيه