ثنائية الشّاعر حمد الحربي والشّاعر ناصر الهواوي

من موضوع " أكمل النّص التالي"
"القصيدة المشتركة"

الشّاعر ناصر الهواوي و الشاعر حمد الحربي


مسـاك مـن وبـل الروايح غشينـي
ياسجن ياللي كل من فيك ساميــن

حتـى لو ان حضورهـم لـك دوينـي
مهما حصل يالحبس يبقـون غاليـن

عـــدو غـفوات الجفن منتوينـي
ماادري علامه يحرم الغفوه العين

لكـن ابا اقدم جـوابـي لسـيني
قبل تصيـر السين يالسجـن سينين

جفوة سنه عقـب التواصـل سنينـي
عرفـت منها ويش يعـنون بالبـين

اثر البعد قتال والهجـر شـيني
عزي لـقلبٍ واقعٍ بيـن الاثـنـيـن

لامــرتــه ذكـرا غداله ونينـي
كنه عـويقٍ فاقـدٍ شـوف والـيـن

يومه يشـوف النار حـوله تبيـني
والجســم لا يسعـف ولافيـه تمكين

الصحب راحوا ماتركوا له عوينـي
ياكود نوحٍ مـن صميـم الشرايـين

محـدٍ فطـن له لو عذابه يبيـني
لـو نظرة عيونه تسـوق البراهين


لو صرخـته باحت وبان الكنيـنـي
لو ينشطر قلبه لو يصيـر قسميـن

ليت السجن باسباب طلبـه ودينـي
ماهو بـسـبـة صدةٍ للـمـصـديـن

الـلي باثرهـا لاعبٍ بي حنـيـني
ماغير اجر الصـوت واكتب دواوين

اثر الهـوا غـلاب طبـعه يهيـنـي
ويهـد هامـات الرجال الشواهـين

مـنه البـشـر مارقدَّوا مهتنيـني
كــلٍ مـن اسبابه غـدابه براكين

عبدالله الصقري ,كادي ,عالية المقام و 2 آخرون معجبون بهذا

محمد الغنامي ,شموخ الوايليه

صحت السنتكم شعراءنا
الهواوي والحربي
ربي يسعدكم على
هذا الجمال الحرفي والحسي
لاخلا ولاعدم
تقديري لكما واحترامي

الله الله
حمد الحربي
ناصر الهواوي
صحت الالسن جميع
نص جميل وفخم لا ابعد الحدود
ابدعتو وامتعتو شعرائنا المبدعين
الله لايهينكم ويبيض وجيهكم
دمتو بخير وسعاده

صح السنتكم ملايين
ابيات رائعه وفخمه

يعطيك العافيه
تقديري لسموك

صح الله لسان شاعرنا حمد الحربي
والشاعر ناصر الهواوي
جزلين ومبدعين شعرائنا
يعطيك العافيه شاعرتنا هماليل ع المتابعه والموضوع
تقديري لكم
النجلاء

صحٍ لسان الشعراء
الحربي والهواوي
نصوص جزله ورائعه لشعراء مبدعين
تقبلو مروري المتواضع
كل الاحترام والود

صح لسانكم شعراء رواسي
تشرفت بقرائتي لقصيدتكم الرائعه
بيض الله وجيهكم على اتحافك الجزل
تحياتي وتقديري

صحت السنتهم ولا هانو جميع
يعطيك العافية همولة ،
،
،
،