قلبي اوجعني

السلام عليكم وبعد غياب لا مبرر له اليكم تلك المقطوعه

الجفن عاف المنام وقلبي اوجعني=ياشينها مزحه اللي زادت اوجاعه
من وقعها كن سقم الظرس يشلعني=من دون ثبنيج ما اقسى قلب خلاعه
تراي في سد وجهك لا تروعني=وانت اتعرفني ماعاد استحمل الراعه
واللي حصل قبل كافيني ولايعني=اسهر عيوني وروحي منه ملتاعه
كثرت طواريك هالايام وش تعني=ماعاد تحصى.تجدد معك بالساعه
انا ادري انك وفي ولاانت بايعني=لكن تباعدك اشوفه طايلٍ باعه
احاول ادله وقلبي لك يرجعني=ويصير بين الرجا والياس مرجاعه
انت انت إيوالله انت بقافي المعني=دامك مصيف الفواد وفيك مرباعه
لغيرك هجوسي عصي ولا يطاوعني=وما صح لي منه لا سمعٍ ولا طاعه

الله الله
ياسلام عليك وصح الله لسانك يابو عبيد
كايفه ونايفه وجزله
شهادتي فيك مجروحه ياشاعرنا
دمت ودام مداد قلمك ورقي حرفك الفاخر
تقديري وتقييمي لسموك
النجلاء

صح لسانك ياابو عبيد
واعتلا شانك
ابيات جميله وكلها جزاله
لاعدمناك يااخوي
تحياتي واحترامي لشخصك
دمت بخير

الله عليك يابو عبيد
صح لسانك مليون ولا يسدون
جزل جزل بمعنى الكلمه
راقت لي هالكايفه

الله الله عليك صح لسانك واعتلا شانك ؛؛ ابيات في قمه الروعه والجزاله ؛؛ بوح قلم عذب وراقي؛؛ ودي وتقديري لك ،

ابيات رائعه جدا

ناصر الهواوي

تسلم على هذا الطرح الرائع

الله يسعدك

انت نبع من الابداع




بوح عذب بعطر الحب




ينثر الغرام فوق سطور الحب




دمت بخير

ابدعت و امتعت شاعرنا ناصر الهواوي وصح لسانك.. دمت بخير..