حقوق الشوق محفوظة , وحدي ما تعديته

هذي أول قصيدهـ أشارك بها
هنا وأتمنى ترتقي لذائقتكم
,
,
,
على طاري صباح الورد, وإسمك, والحلا والذوق
ذكرتك يااجمل أحلامي , بقافي واستهليته




على درب القصيد أسوق , قلبي والخطاوي شوق
وإذا مالت بي الخطوه , على دربك تنآسيته



يهز الشوق بأعماقي , عناقيد الغرام عذوق
ويقطف بالغلا فيني , غرام(ن) خنت وأخفيته


أحبك كثر ما يشعل , غرامك في حشاي حروق
وشبٌه زود لو يحرق , ضلوعي مت ما اطفيته


أحبك دمعت(ن) طاحت , على خد الصباح اشروق
يموت النور لو طاحت , على كفي وضميته


أحبك , إيه أحب إسمك .وأموت بجيدك المنتوق
و تخيل كثر ما أكره صدودك , قمت حبيته


تموت من البطا غيمه , طعنها من جفاك بروق
وغشى روض الحشا وسمي , جفافك وإنت ما ارويته


رحلت , وما بقى منك سواك إنت , و عنا مفهوق
عنا ذاك الربيع اللي , غشاني ما تمنيته



تعال , إجرح على كيفك , تربع واستحل عروق
تدلل والبساط أحمد , وأنا لرضاك مديته


قم إسهج لآخر ضلوعي, تغلغل داخلي برفوق
حلالك ما بقى مني , مع اللي لأجلك أفنيته


من اللي من غديت أجمل قصيدة ما غدا له ذوق
ومن اللي كتب باسمك قصيده وانكسر بيته


وربي , من كتبت إسمك وبروزته بقلبي فوق
وأنا ما دار في بالي , قصيد ما تحاليته


لاجل الدمعتين اللي, غدت منها الخدود شقوق
ترفق سامحك ربي , على قلب(ن) لك أهديته


إذا لك حق في قلبي , فأنا لي في غلاك حقوق
و حقوق الشوق محفوظة , وحدي ما تعديته


يذكرني صباح الورد , وإسمك , والحلا والذوق
وأردد يا ( أجمل أحلامي ) بقافي يوم هليته

مماراق لي

راق لي انا بعد

وكيف مايروق وكل حرف فيها يقول انا الاحلى

والي جابها أميرة نجد عاااااااااااد ,,,مروري لا عدمتك وتقديري

يســـعدكـ ربـــي ياغـــالــي
انــرت صـــفحتــي بــتــواجــدكـ الـــعـــبـــق

لاعدمتك

يعطيكي العااااافيه
على النقل
مشكوووووووووووووووووره

تعال , إجرح على كيفك , تربع واستحل عروق=تدلل والبساط أحمد , وأنا لرضاك مديته
قم إسهج لآخر ضلوعي, تغلغل داخلي برفوق=حلالك ما بقى مني , مع اللي لأجلك أفنيته

الله ياسلاااام على منقولك ياأميرة نجد
فديتك
ذووووووووق لاعدمناااك
اتمنى لك التوفيق

هلا وغلا اخوي غازي
الله يعافيك ويحييك
اسعدني تواجدك لاااااعدمتك

الذوووووق تواجدك اختي الاصيله

لاعدمتك يالغلا

أحبك كثر ما يشعل , غرامك في حشاي حروق = وشبٌه زود لو يحرق , ضلوعي مت ما اطفيته
أحبك دمعت(ن) طاحت , على خد الصباح اشروق = يموت النور لو طاحت , على كفي وضميته

أخت الرجال

المتذوق الرائع لاينقل سوى الرائع

منقول جميل بما تعنيه الكلمه

دمتي ودام هذا التواجد بكل خير وموده