..,, بنت الأكابر ,,....!!

بسـ الله الرحمن الرحيم ـــــــــــــــــــــــــــــــــــــم

ارجو ان تنال على قبولكم

سلطان ياسلطان هات الكوره = ماعاد فيها لفه ولا دوره
نبي نطب الملعب ان قال الله = يالين نرضي كل ابو جمهوره
لو كان نص الحاضرين مفهي = ماغير في وسط المدرج صوره
مير الله الله لا تخيب ضني = خابرك لاحمي الوطيس اسطوره
لو ان بالي ياولد متعكر = من يوم غابت عني الغندوره
بنت حلها مالقيت اوصافه = يعجز عن الوصف الشعر وبحوره
لكن ابوصف ماتيسر وصفه = وان موفت الابيات هي معذوره
ام العيون الذابلات النعّس = وام الخدود الي كما البندوره
والمبسم الي كل ما ناظرته = تضيع روحي كنها مخموره
وشعرٍ كما الشلال لامن حول = امواج فوق اردافها منثوره
ورمانتينٍ فالنحر مرتكزه = تقول عسكر من جنود الثوره
وخصرٍ نحيل اليا انثنى يسحرني = الله يكافينا السحر وشروره
ام الجمال اليوسفي الفاتن = من روس قومٍ فالبلد مشهوره
تطلب وتلقى ماعليها قاصر = ولاتاكل الا عيشة النافوره
يعني فخامه يوم ماشافتني = كاس الحليب وعلبة الشابوره
ولاتلبس الا من جديد الموضه = من سوق لندن تشري التنوره
وانا هدومي من جديد البطحى = والحمد لله حالتي ميسوره
ولا تسكن الا في قصورٍ ترفه = وسط العليا حارته مخبوره
ياحي مدخل بيتها لا جيته = نساني طحي وجميع قصوره
ولاتركب الا روز رايز وجكور = خل الحكي تستاهل الأموره
وانا على الددسن واجر الونه = اجر ونة روحي المقهوره
بسباب غروٍ مرني واخلفني = احلى من احلى بنت فالمعموره
من شافها صاحي بكامل وعيه = في جزء من لحظه يغيب شعوره
ياجعل عمر صويحبي مايفنى = وياجعل دار ضمته ممطوره
يوم الحكم صفر وقاطع قولي = ثم راحت العالم تشوت الكوره
وانا على خط التماس افكر = وش لون يانايف تشبك نوره
ان جيتها بالمال ما يمديها = اسواقها فسويسرا مذكوره
وان جيتها بالاصل نعم فيني = لكن بعد هي ماهي بطرطوره
سلطان هات الشور لاتبخل به = والي قرى يعجل علي بشوره

النهايه

رياضي

وراس حربة

وهجوم بالجزاله اشهد بالله انها كايفه ومن العيار الثقيل

ياعساني ما ابيك ابك ايه هذا الي يطربني تكفا يابن العم لا تحرمني

من هالكايفات سجل الاعجاب والتقدير

وتريلاتي

تريلة ورد
وتريلة ند كنبودي اصلي
وعشر تريلات ود من القلب للقلب

نايف العصيمي


صح لسااانك


رائعه


جزله من راس شاعر جزل


دمت ودام تميزك



اخوك مرهف الاحسااااااس

الاخ نايف

أهديك عطر الورد والوانه
وارسل خطاب انت عنوانه
أهديك أجمل شعور واحلى وردة
على القصيدة الجزلة ياعمدة

تسلم نايف على الابداع دمت مبدعا ومتميزا وحاضرا

اختك لهفة شوق

صح لساااانك : يالعصيمى

ابياااات وقصيدة تحمل الكثير الكثير

فالله درك

سجلنى متابعة لجديدك

تشبك بعدها نوره
رائعه يالرائع
صح لسانك ولاهنت يالشاعر

نايف العصيمي

صح الله السانك

جزل ومبدع لاهنت

تحياتي لك

نايف

صح السانك ولاهنت

شاعر جزل

وقصيدة محبوكه

تقديري وتحيتي