نعم عجزت مـن العتـب؟؟

اليا بدت لك حاجتن وانت معتاز=الله لا يجعل ورا الناس عازه
الخرب مشروهه على مخلب الباز=وينبيك عن جو العواشز عفازه
ماجاز ولاجاز وان جاز ماجاز=هرجن يكود الطيبين اجتيازه
وقولن بلا صفه وتكميل وايعاز=مثل الرشى من مد يمناه مازه
وان جابك الله بين هامز ولماز=عليك بلي رز علمه ورازه
يرقا بها لطا يله دون معكاز=معزول عن راع النشاز ونشازه
لطيبه شاري ولطيب منحاز=ماخسر مفزاعه وربح انحيازه
وانا تعبت افل وحل الالغاز=وفي ظامري همن يدن ارتوازه
وشلون اواسي عرق قلبي ليا ماز=مازوه مافاده كثير احترازه
غروه برحب وأشهر اعطور قزاز=يعني جزاته بس عطر وقزازه
أما أعدموه بسيف ولاتر الغاز=شريعه الي يشرق النفس غازه
ولا تركوه أن خسر مبداه وأن فاز=صعبن علي موته وصعبن مفازه
وصعبن على الي ماله اصروح وانجاز=يحتال بمرن مستحيلن نجازه
للفلسفه سقراط والخبز خباز=والطيب درب وللعزيز اعتزازه
وللقرم سلم وللمدوبل ترزاز=وللعلم نور وللمصلي مفازه
وللعين دمع وللمشاعر تفرقاز=ولشيخ قدر وللخسيس انتهازه
وللعيب ذنب وللمحاذير منغاز=وللوقت جور ولظروف اهتزازه
ولذيب سنح وللهزيله تلزاز=وللعربجي شكله وعرفه وقازه
ولضحك وقت وللمسابيح خراز=ولسيف حد ولرماح أرتكازه
ولدين سمت وللمشاكل تقواز=ولسلطه العليا مكان ومحازه
والشعر نبض أحساس فايز وفواز=مثل الجبل ماكل من جاه هازه
نعم عجزت من العتب والتمركاز=والخوف من جيب الرقيب وجهازه
ويارب وأن جيت أطلب الناس معتاز=لا تحطلي في مزهب النذل عازه

اب اب اب هذي هي الجزاله اشهد بالله انك شاعر ومن العيار الثقيل صح لسانك لين تقول بس ودوك مني هديه تريلة ورد وتريلة ند كنبودي اصلي و10 تريلات ود من القلب للقلب

اقتباس:

المشاركة الأصلية كتبت بواسطة محمد الروقي

اب اب اب هذي هي الجزاله اشهد بالله انك شاعر ومن العيار الثقيل صح لسانك لين تقول بس ودوك مني هديه تريلة ورد وتريلة ند كنبودي اصلي و10 تريلات ود من القلب للقلب

شهاده أعتز بها ووسام على صدري ياخوك والهدايا مقبوله ولا خلاولا عدم ياخوك

الله يعطيك العافيه وصح لسانك

قصيده رائعه تشكر عليه لك تقديري

اقتباس:

المشاركة الأصلية كتبت بواسطة فواز علي الروقي

الله يعطيك العافيه وصح لسانك

قصيده رائعه تشكر عليه لك تقديري

الروقي فواز ارحب تراحيب المطر وصح بدنك مرورك غالي على خاطر اخوك لا خلا ولا عدم

راجح بن دايل المشعلي
صح لسانك يالذيب ولا هنت
وبيض الله وجهك
قصيده لا يكتبها الا راجح وشرواه
دمت بصحه وسلامه وبلغك الله رمضان
وصح لسانك تريلليون

اقتباس:

المشاركة الأصلية كتبت بواسطة سامي الرقيب

راجح بن دايل المشعلي
صح لسانك يالذيب ولا هنت
وبيض الله وجهك
قصيده لا يكتبها الا راجح وشرواه
دمت بصحه وسلامه وبلغك الله رمضان
وصح لسانك تريلليون

هلا وغلا ياسامي صح بدنك وبيض الله وجهك على جمال كلاماتك ياخوك

صح لسانك يالسنافي

ابيات جزلة واسلوب منفرد

لاهنت جعل والديك الجنة



تحياتي واحتراماتي