بقايا الامس

اقدم لكم هذه القصيده بقلمي

نثرت بقايا الامـس حبـر بـالاوراق=واسترسلت شعر ومشاعـر رقيقـه
في ما مضى مني ومن بحر الاعماق=ثـم عـودت يـم الربيـع ووريقـه
يوم البراءه ضحكة فـوق الاحـداق=يفرح بهـا قلـب الشقيـق لشقيقـه
ترجي بعدطول السهر نور الاشراق=تبـي ولوحتـى ملامـح حقيـقـه
عل وعسى ترضي بها كـل الاذواق=فيها جهل ماض العصور السحيقـه
ماتدري ان نعيش في العالم الـراق=وان الحقيقـه زيـف مالـه وثيقـه
حنا بزمان ضاق يه صدر الاخـلاق=واللـي نتوسـع فيـه لازم نضيقـه
ول يالضميراللي غفـى مابعدفـاق=والعمـر حسـب الثانيـه والدقيقـه
مايدري ان الموت قطاع الارزاق = في كل لفه واقفن في طريقه
وان الامل حلم وفي داخلن نطاق= نعيش به و لكننا ما نفيقه
الابعد ندخل وسط ضيق الانفاق = يوم كل رفيق يفترق عن رفيقه
وانا لاح بالافق نايض وبراق=ورجع هجوس فى الضماير عتيقه
كتبت من نبـض المشاعـرولاراق=فكري وانا بنفسي جـروح عميقـه
لكن بقى با لنفـس للديـن ميثـاق=زرعت به وسـط الضمايـر حديقـه
عل وعسى ليا اللتفت الساق = اجنـي ثمـاره واتنفس رحيـقـه

لاهنت على الابيات الرائعه والجميله

ودائماً في قمة الابدااع والتميز


وتقبل مروري

صح لسااااااانك ياعبد الرحمن تقبل مروري وتقديري يالجزل وسجل اعجابي بهالطاغيه

شاعرنا عبدالرحمن صقر

صح لساااانك مدد لاعدد

ابيات جزلة جزلة

انتظر جديدك

اعشق المكوث في آجوآء كـ هذه
آبيآت عطره ورآئِعه ..

صحت يمينك على الجمآل آمتعت
لروحِك مُروج اليآسمين ..

صح لسانك عبدالرحمن

وعلا شأنك


وتقدير يليق بك

عبدالرحمن صقر

صح لسانك وأعتلا شانك

رائعه بروعة حضورك

دمت ودامت شاعريتك بكل خير

عزيزتي اميرة رواسي
شكر لك ياعزيزتي وصح بدنك