قصيدة (المبرقعه) والرد عليها

(المبرقعه) كاتبه كويتيه مشهوره تنشر في عدة مطبوعات خليجيه وكانت كتاباتها والمواضيع اللي تطرحها كلها شعبيه تدور حول الشعرالشعبي والعادات والتقاليد والقضايا الاجتماعيه وكانت صريحه وجريئه لابعد الحدود في طرحها و نفقدها للمواضيع وهذا الشيء هو سبب شهرتها وشعبيتها وكانت تتولى التحرير والاشراف على صفحات الشعر الشعبي بمجلة فواصل الادبيه انذآك وفي احدى الاعداد المجله نشرت هذه القصيده ..وتقول في تقديمها للقصيده .هاذي اول قصيده اكتبها اما طلعت قنبله في عالم الشعر واستمريت ولا طلعت فقاعة صابون وتلاشت وتركت كتابة الشعر وسببت هذه القصيده ضجه وانقادات خاصه في المجلات الشعبيه وبعض الصحف اللي كانت تخصص صفحات فيها للشعر وعارضها عدد من الشعراء اللي كانو ايامها يتابعون المجلات الشعبيه وكنت انا أيامها اتابع هذه المجلات وانشر من خلالها بعض قصايدي واطلعنت على القصيده ورديت عليها واليكم القصيدتين/قصيدة المبرقعه/وردي علاها


هذه قصيدة المبرقعه

الله خلقنـي فـوق باعلـى مبانـيـه=كيف انزل الواطـي ولـي منـزل عـال
عزمي وصدقي صدق بأسمى معانيه=بـي عفـة المهـرة وبـي روح خيـال
وحـدي وصلـت العـز لاخـر موانيـه=أنثـى ولكنـي عـن ألفيـن رجــال
واللي يروح يروح مـا والله ابكيه =اقط راسي لو خطر لـي علـى بـال
مـا أرد للجاهـل ولا اسمـع حكـاويـه=حيـاي يمنعنـي عـن القيـل والـقـال
كل يبي قلبي وأنـا القلـب مـا أعطيـه=نفسـي عزيـزة دونهـا بحـور وجبـال
ما فيـه منهـم مـن تشـد الظهـر فيـه=متقاسميـن الكـون كــاذب ودجــال

المبرقعه
وهذا ردي علاها

مدري وش اسم الكوكب الي سكنتيه=نبا نوجّه لك من الارض الآرسـال
شعرٍ هذاه اولـه ينعـاف تاليـه=محدٍ يسومه لو عرضتيـه بريـال
مالك ومال الشعـر يابنـت خليـه=العمر مقفي والعقل ماشي الحـال
امـا ظلمـك الشعـر ولا ظلمتيـه=ولا علاك القي مع الشعر مدخـال
بابٍ تجي من يمه الريـح صكيـه=الحرص واجب لايضيعك الاهمـال
محدٍ يعّرض مخطي الحذف رجليه=الا اللذي ماله مـن العقـل مثقـال
مار انتي كراعك طويل ومغطتيـه=وهذي سوات الي كراعينه طـوال
خلي نظرك لماطا الاقـدام شوفيـه=الشوف لايطفح على روس الاقذال
انتي ذنيب الداب الاسـود وطيتيـه=من ضعف شوفك تحسبين انه عقال
بكلامك اللي في ( فواصـل ) نشرتيـه=ان كان مجنونه ترى الناس عقـال
وترى الكويت صغير وانتي زحمتيه=رحتي عليهم بآخر الوقت غربـال
تعيني لـك كوكـب آخـر وحليـه=توسعي بـه شكلـي دولـه لحـال
والبرقع الي حط من قدرك ارميـه=مايصلح البرقع على وجيه الابطال
والثـوب كان انه مضايقـك وطيـه=وامشي مع الناس بفنيله وسـروال

عايض العتيبي

محمد العواد ,ريوف ,حمد اليامي معجبون بهذا

الله الله
صح لسانك ياو جزاء واعتلا شانك
وصح لسان المبرقعه
رد وافي وكافي
مروري واعجابي
لاهنت

اقتباس:

المشاركة الأصلية كتبت بواسطة محمد الغنامي

الله الله
صح لسانك ياو جزاء واعتلا شانك
وصح لسان المبرقعه
رد وافي وكافي
مروري واعجابي
لاهنت

صح بدنك يامحمد
وما عليك زود طال عمرك
اسعدني وشرفني مرورك لاهنت
تحياتي وتقديري لك

ههههههههههههههه
الله يرحم طلال الرشيد وصح لسان المبرقعه وصح لسانك يابوجزاء رد وافي

اقتباس:

المشاركة الأصلية كتبت بواسطة ولد روق

ههههههههههههههه
الله يرحم طلال الرشيد وصح لسان المبرقعه وصح لسانك يابوجزاء رد وافي

آمين واموات المسلمين اجمعين
صح بدنك ي ياولد روق
اسعدني وشرفني مرورك لاهنت
تحياتي وتقديري لك

ههههههه صح الله لسانك ياعايض وصح لسان المبرقعه
رد هجومي وقوي على الشاعره
لاهنت ويعطيك العافيه شاعرنا
تقديري لسموك
النجلاء

اقتباس:

المشاركة الأصلية كتبت بواسطة النجلاء

ههههههه صح الله لسانك ياعايض وصح لسان المبرقعه
رد هجومي وقوي على الشاعره
لاهنت ويعطيك العافيه شاعرنا
تقديري لسموك
النجلاء

عسااها دوم الضحكه
صح بدنك يالنجـــلاء .والله يعطيك العافيه
هي اللي باديه بالهجوم انا مغار دفاعاً على النفس
اسعدني وشرفني مرورك لاهنتي
تحياتي وتقديري لك

صح لسانك ياعايض
وصح لسان المبرقعه
محاوره رائعه وهجومها قوي هههه
يعطيك الف عافيه
احترامي لك