ابن عمك

لا تحزم كون في اللي يعدونك حزام لي تعثر بك زمانك تبين فعولها كم صديقن يخدعك زين طبعه والكلام ومقصده في حاجتن من وراك ينولها وان لقاها يبتعد عنك ويغادر شمام يقطع حبال الوصل والوفا من طولها كل هقوة طيبه فيه ضاعت والسلام لا هي بحوله ولا هو حرام بحولها ينكشف لك مثل ما يكشف النور الظلام الخوافي لو جحدها الزمن بيقولها وان لقيت اللي يبادلك قدرن واحترام يدرك علوم الوفا والنقا ويطولها لا تفرط فيه دامه معك وضعه تمام والعلوم الغانمه بان به مفعولها ما يوقف بالشدايد سوي ناسن عظام والمواقيف الصعيبه تبين زحولها ترتكي للحمل لو جار وتشله شمام وكل حجه لو تلوت تجيب حلولها وان بغيت المحزم اللي ما يلحقه الملام هو عضيدك يوم لاصحاب يقفي زولها ابن عمك لي غشي جوها عج وعسام وجاتك جموع العدي تتطحن وخيولها وقفته وفعوله تبين في يوم الزحام يوم كل الناس تعرف بطيب فعولها واحذر من التفرقه بينكم ولانقساام لا تسمع فيه هرج الرخوم وقولها من لحقه بهافي القول وبهزل الكلام خل حربك فوق راااسه تدق طبولها وفي لاخير ازكي التحيات مني والسلام تمت بيوت القصيده وباختم قولها حمد بن سايمه

حمد بن سايمه
صح لسانك يالذيب
واعتلا شانك
ابيات كلها فخامه وجزاله
يعطيك الف عافيه
تقبل مروري واعجابي
تحياتي لك
المهره الاصيله

القدير

حمد بن سايمه

صح الله السانك واعلى شانك
قصيدة تحمل النصيحه تستحق الاعجاب
تقبل الورد

سامي احمد

صح الله لسانك يابن سايمه
كايفه ونايفه وجزله من شاعر جزل
دام وجودك وعطائك ورقي حرفك
تقديري لسموك
النجلاء

اشهد بالله انها جت على الجرح
كاااااااااااااايفه لا عدمتك خلك قريب ولا تغيب
يسعدني وجودك ويشرفني حضورك والبخل بعيدن عنكم
يا عوال الشايب {حمد بن سايمه} بيض الله وجهك في ماقلت وصح لساانك

ابن عمك لي غشي جوها عج وعسام
وجاتك جموع العدي تتطحن وخيولها

الله عليك ياشاعرنا الجزل
حمد بن سايمه
صح لسانك مليون يالمبدع
مرور وتقدير

صح لسانك ياشاعرنا
ابدعت بقصائدك الجزله وبحضورك الطاغي بالمتعه والفخامه
دمت بود وتقدير

الله يعطيكم العافيه كل من شرفني بمروره الطيب وكلامه الوافي وعز الله ان الابداع منكم وفيكم وصح الله ابدانكم واعذروني علی القصور وتقبلوا خالص تحياتي وتقديري وشكري