بالـفـيضه اللي بـين لـوقـه وربـدا

يالله يــاعـالـــم خفــا كــل عـبدا

تستر حوالي واصبح بخير مبسوط

لـلـناس نـقـّـاده وللـعـلـم مبـدا

حرفٍ وحيد وحرف يلزم له نقوط

وللـكـيف شــرابه وللـهــرج زبـدا

والشعر لبحـوره قـوانين وشـروط

وانا لاجـيت اباابدع الـقـاف وابــدا

على نهر مـاني عـلى ند ناقــوط

لصفّر الغـافـل عـلى عـضد كــبـدا

سوّيت فنجالٍ مـن البـن مضبوط

للـخيل رجـد وللا كــاديـش وبــدا

والفرق شاسع عند مايبدي الشوط

والريـم عـفري مابـها لـون عــبدا

خشفٍ تـقـود جـفال ورقابها نــوط

بالـفـيضه اللي بـين لـوقـه وربـدا

ريحة شذاها كـنـه الطيب مخـلوط

باطرافـها الربله مع السمِك لـبدا

زملوقـهـا كنّه من الـورد ممشوط

التوقيع مساعد الجليدي

صح الله لسانك يامساعد
كما تعودنا من شاعرنا الابداع والامتاع ورقي الحرف
دمت ودام مداد قلمك الشامخ
تقديري لك
النجلاء

صح لساااااااانك لين ترضاء
سجل الاعجاب والتقدير والاستمتاع بهذه المتغطرسه

مساعد الجليدي
صح لسانكك مدد خيي
قصيده رااائعه
دمت بخير

صح لسانك مليون يامبدع
تقبل مروري وجل احترامي

أسعد الله قلوبكم وأمتعها بالخير دوماً

أسعدني كثيراً مروركم وتعطيركم هذه الصفحه

وردكم المفعم بالحب والعطاء

دمتم بخير وعافيه

بالـفـيضه اللي بـين لـوقـه وربـدا

ريحة شذاها كـنـه الطيب مخـلوط

القدير مساعد

يقول اغلب المتذوقين انه احيانا تتمخض القصيدة عن بيت ( فريد ) ويقول آخرون انه قد تقوم اركان القصيدة على بيت ويسمونه ( بيت القصيده )

فأحيانا يأتي البيت بقصيدة كامله ويكون ارتكازا لها !! واحيانا يدور فلك القصيده على بيت واحد يعود اليه معنى القصيده والهدف منها ..

وانت من الشعراء القليلين اللذين يستطيعون توظيف القصيدة من اجل بيت ..وتستطيع ايضا ان تبني من البيت قصيدة كامله ..

صح لسانك ولاهنت ابد

صح لسانك ملايين
شاعر مميز يروق لي حرفك
دمت بخير وسعاده دائمه