جآي تسأل عن مكآنك !! هو بقى فيني مكآن ؟؟

*

مساءكم/ صباحكم عناقيد من طهر ونقاء

تختال اسرير الورد في تباشيره

مساء/ صباح يبشر بهطول العطر من سبائك السماء

زخات من المفردات الجميله والمعاني الانيقه للشاعر

أحمد الصانع .. تعالو نقرأ قصته مع حبيبه


*
*

ماتغيَّر شي .. لكن .. صآر فاضي هالمكآن
يعني إنتَ شفت قلبي طحت مِنْ عيني وعينه


كان لك قلبي مدينه ولآحظ إني قلت : ((كآن))
يعني إنتَ الحين وآحد ((خآرج حدود المدينه ))


ليه مستغرب كلامي وليه أعطيك الأمآن
وليه تَكْذِب في كلامك العذر وينك ووينه


ما ألومك كان قلبك ثآرت أموآجه وخآن
الخطأ منَّي لأني صرت في بحرك سفينه


والسؤآل اللَّي كتمته ومآ نِطَق فيه اللسآن
كيف إيدك إطعنتني وآنا أحْسِبْهَا أمينه ..؟


جرحي مآ يرضيه قلبك لو يجي كلِّه حنآن
لو تبوس الجرح فيني ولو تقبلهآ إيدينه


يُوم أحبك قلت كلمه : ( يكرَم المرء أو يُهآن )
وإنتَ قلبي مآ كرمته ومآ قدرت إنِّك تهينه


( عزِّتي ) .. ما هي جديده آنا شامخ من زمآن
إغسل إيدك من رجوعي وروح يا إبن اللذينه


طآب خآطر قلبي منِّك وهذي الفرقى رهآن
وحتَّى لو قلبي يحبك ربِّي بفرآقك يعينه


تدري لمآ قلت أحبك قلت ومآ عندي ضمآن
وإختيآري كآن خآطىء تجربه بالحيل شينه


كنت تخطي وكنت أسآمح مرَّه مرتين وثمآن
أدمح الزله عشآنك وأكتم أنفآس الغبينه


كنت أحبك وكنت أعزك والغلآ فيني جبآن
أخاف تزعل لو ألومك ضعت مآ بينك وبينه


في عيون النآس عآدي بس في عيني جنآن
وكآن قلبي من يشوفك تفضحه نظرة حنينه


مآني أوَّل من يحب ومنتَ آخر شخص خآن
المحبه في زمآنك بحــرهآ مـن غير مينه


الفشل .. كآن النتيجه وأعتقد آن الأوآن
أبني مستقبل حيآتي وأنسى قصتنآ الحزينه


وخطوتي الأولى غيابك ورآح أطبقهآ عشآن
يبكي قلبك لآ فقدني والندم .. يملي سنينه


جآي تسأل عن مكآنك !! هو بقى فيني مكآن ؟؟
الله يـرحمهآ المشـآعر اللي كآنت لـك رهينه


قلت لك قلبي ( مدينه ) فيهآ لك حشمه وشآن
لكن إنتَ الحين أغرب شخص في هذي المدينه


:

:

تحياتي

ترانيم ع ــشق

مررت لابدي اعجابي بما سطرتي هنا

تقبلي مروري والى الامام

الاخت ترانيم

اختيار موفق,,, صح لسان شاعرها ومن نقلها

الرع ـد
::
سلمت يـ نقي لـ حضورك الراقي
ممتنه لمرورك

محمد الروقي
::
سلمت يـ نقي لـ حضورك الراقي
ممتنه لمرورك

جآي تسأل عن مكآنك !! هو بقى فيني مكآن ؟؟
الله يـرحمهآ المشـآعر اللي كآنت لـك رهينه



مشكوووووره اختي

يسلموووو

حموودي
::
سلمت يـ نقي لـ حضورك الراقي
ممتنه لمرورك

الله
آبيآت مبدعه
إنتقآء جميل غآليتي
سلمت يُمنآك .,