ليت قلبه حس فيني‎

آه يا سامع مصابي ..عن غرامٍ ما رحمّني..
اسمع الأبيات مني وافتهم شرح المعاني


بشتكي لك عن حبيبٍ ..شاغلٍ فكري وظني..
كان يوعدني ويخلف..دون هالعالم بغاني..


للأسف اخلف وعوده..وياكثر ماهو جرحني..
ماقدر يفهم فؤادي وماقدرت اعرف مكاني..


ضقت من كثر التجاهل..ومن كثر ماهو طعني..
ماتوانى عن عذابي..دوم بإخلاص وتفاني..


اتعبتني هالجروح..وهالعذاب.. وهالتجني..
ليش احس اني لوحدي بس أنا منّه أعاني..


مشكله يعرف مكانه..وانه اغلى من سكني..
هو هدية هالزمان..وهو حياتي هو كياني..


مسكنه داخل فؤادي..بأطيب إحساسه ملكني..
ما يهمني من عذلني.. عن وداده أو نهاني..


غايتي نظرة عيونه..وحده بس اللي شغلني..
مايعوضني بديله..ولامناتي بشخص ثاني..


بأعلى صوتي قمت أصرخ ..والله انه صار مني..
في غرامه ذاب قلبي ..يوم قال إنّه هواني..


خذت عبره من حياتي..عمره مافاد التمني..
غير انا وش هي حياتي..كلّها آمال وأماني..


ليت قلبه حس فيني..ليت بيده ما طعني..
ليته بكل اشتياقه حس فيني واحتواني..


ليته بس لو يوم واحد..يدري كم مره جرحني..
ليته يفهم عن شعوري..ليته يفهم هالمعاني..


•●•● مع خالص تقديري وإحترامي ●•●•

ذوق ورب البيت ذوق

صح لسانك وقلبك عن كل شر
سجلي جل تقديري الابدي

صح لسانكـ روووح .. ولسان شاعرها
::
رائعـه واكثــر

واااااااااااااو وربي خووووووقااااااق

لاعدمناااااااااااااااكـ

لك ووودي

<<رجوووووووووووونه

خذت عبره من حياتي..عمره مافاد التمني..
غير انا وش هي حياتي..كلّها آمال وأماني..









روووعه
يعطيك العافيه

::
صح نبضك يآروح عالاختيار
<< مؤلمه للغايه):
لروحك السعاده ..,
::

راااائع مانقلتي صح احساسك وصح لسان شاعرها

تقبلي مروري

روووعه يعطيك العافيه