هتلر بين الاقواس

أتمنى تكون القصيده واضحه وهادفه لن فيه بعض الناس أفهموني بمعنى أخر

الراس صدع مشتهلي زقاره=لاوالله إلا حبة ٍ توزن الراس
ودي الجلج دامها لي نعاره=ودي الجلج وأنظم الشعر بأحساس
وأعيش ليلي وردفه مع نهاره=وشوف هتلر جالس ٍ بين الاقواس
وحل وأربط وأشتغل في شطاره=وفك عمدان ٍ تركب بترباس
وأطلق لساني بالفصاحه عباره=ياناس منهو جابلي راس جساس
بالله يالمخرج تفك الستاره=الدور مثلته وأبى أكلم الناس
حنا شباب الدين حنا وقاره=عز ومعزه مالنا بدرب الادناس
من عاث فيها مايشطب جداره=من عاث فيها طب في يد الانجاس
وقامو يذلونه وهو وسط داره=ماله كرامه وسط داره ونوماس
وأكبر مصيبه خاينينه في عاره=الذيب تال الوقت لحم ٍ للبساس
عقب المعزه ساكن ٍ في مغاره=كل سبايب حبة ٍ مالها ساس
الراس صدع مشتهلي زقاره=إلا والله إلا ركعة ٍ توزن الراس

سلمت وصح لسانك
قصيدة معبرة وهادفه
وتحكي واقع مرير


جزل يا احمد

سلمت يدآك

صح لسانك

الله يعطيك العافيه

أحمد السليمان

رسالة وهدف سامي

صح لسانك وجاد بيانك

ابدعت وامتعت لاهنت

دمت بخير

تحياتي لك

احمد السليمان

دايماً شعرك هادف ومعبر

صح السانك حتى ترضى وزياده

وافيه من وافي

تقبل تحياتي

:

:

أهلين بأهل طيبه

صح لسانك وألف لاهنت
قصيده معبره وهادفه وتحكي حال وواقع مؤلم لشباب أغواهم الجهل
حتى أطهر البقاع لم تسلم من آذاهم .. محاولين إظهارها بأبشع صوره

أسأل الله الهدايه للجميع
تقديري

صح لسانك وعتلا شانك

قصيده جزله من شاعر جزل

الله لا يهينك

تقبل

مرووووري وحترررررامي

صحت أبدانكم جميع ولاهنتم على المرور العطر