ماكل صقار(ن) تولع بطيره

ماكل صقار(ن) تولع بطيره=ولا كل طير(ن) صار عشق الصقاقير
ولا كل من شافت عيونه بصيره=والبعض شوفه في حدوده ولا غير
وبعض العرب شوفه على كل ديره=ويلثق كثير اليا نظر له مناعير
ومن شانهم يمشي بحث المسيره=ناصي وينصا والمراجل علي السير
ويفرح اليا شاف الوجيه السفيره=ويقـدم الترحيب قبل المباهيـر
في مجلسه تلقا الوجيه المنيره=دين وفاء وإن علموا قالوا الخير
وتشعاه قولة مرحبا في ضميره=وصنديد مايحسب حساب المخاسير
ويقدم على الجزله ولاحد(ن) خشيره=وقت الرخا ولا بوقت المعاسير
ومن طيب راسه صار جوده ذخيره=لضيف واللافي وكل المسايير
وقولت نعم ماضن تحصل لغيره=ويستاهل الشغموم حشمه وتقدير

صح لسانك لين ترضا
ويستاهل المدح منهو مثل ماذكرت

تقديري والاعجااااب

ابو تركي
صح الله لسانك يالجزل
ابدعت وامتعت وكفيت وفيت بهذه الرائعه
كما تعودنا من شاعرنا الجمال والحضور المميز
تقديري لسموك
النجلاء

جزل وابداع منقطع النظير

صح لسانك

تقديري

لله درك يابو تركي

شاعر غني عن شهادتي لكن تقبل اعجابي

دمت بود

رائع ،،
صح لسانك وأعتلا شانك ،،
تقديري لك ،،

ابدعت يالحارثي ... صح لسانك مليون يالنشمي لك احترامي

يعطييك العاافيه
ماننحرم جديدك المميز
احترامي وتقديري