ناس مجنونه

تحيه للجميع

بدون مقدمات تشرح نفسها

والله ما همنـي خالـي ولا عمـي***لا صرت فوق الكلام اللي يقولونـه

لو الخطايا تحسّب كـان يـا كمـي***تثقل موازينها من نـاس مجنونـه

الكلمه الهافيـه مـا فـورت دمـي***لأنها جت بـدون اثبـات مدفونـه

اللي هرج في قفاي ايخمهـا خمـي***عند الموالين ليـه شـق ماعونـه

ما يدري ان الركايـب تتجـه يمـي***اقضي الوازم وعسر العلم يا هونـه

ارشاي وانا احمد الله ياصل الجمـي***اورد الحيّـم عـدٍ قاصـرٍ دونــه

وان غاب عني صديقي ما لحقه ذمي***وان حده الوقت الاقشر يبشر ابعونه

واحاسب النفس لا منه نطق فمـي***اخاف من كلمةٍ ما هـي بمضمونـه

زرعٍ زرعته جناه الطيـب ملتمـي***اللي خلافي بعد ما مـوت يجنونـه

ما يقبل الهون كود الهيـن الرمـي***اللي مواليفه اشباهـه ومـن لونـه

يا جاهل العـرف لا تغتـر وتهمـي***البحر مده وجـزره دون مخزونـه

والبندق اللي تروغ ايسار وتزمـي***ما تطرح الصيد لو يمشي على هونه

للمسك يا حاملـه عبيـر ويشمـي***لكن كيلاتهـا مـا هـي بموزونـه

الاسلام حرم علينـا ذبحـة الذمـي***واحنا ذبحنا بعضنا كـذب ومهونـه

يا ما من الزور والبهتـان والنمـي***تسعى بها شرذمه فالديـن ملعونـه

حلفت با الله لـو انـه ولـد عمـي***ان عادها فوق راسه ينكسر شونـه

يا سادة الشعر يا عراف يـا لمـي***ابديت ما خفيت في شعري وملحونه

وضيقت صدر القصيده من غثا همي***من كلمةٍ حست الخاطـر ومكنونـه

علي الزهيري


كفوووو كفوووو


صح الله لساااانك مدد بدون عدد

قصيدة غاضبه وجزله وانت شاعر جزل

لك احترامي وتقديري

صح لسانك يابو محمد

وين الغيبات يارجل عسى ماباس

تقبل مروري وكل التقدير

يا سلام عليك

ولله مبدع

وصح لسانك لين ترضى

قصيده جزله من شاعر جزل

تقبل مروري وكل التقدير

المنصور بن ماجد

توجتني بأعذب الكلام واصدقه

دمت بخير

الاخ الغالي

علي الزهيري

صح السانك وعتلا شانك

مبدع ياالقرم


تقبل مروري

؛؛
؛
صح لسآنك
وعافاك الرب من كل مكروه
تحية تقدير
؛؛
؛

الشاعر علي الزهيري

صح السانك وبيض الله وجهك على هذا الشموخ

ولا هنت يالقرم

تحيتي