»علموه أني (فقدتــه) ياعسى عامه سعيد .. ≈

كـل عام يمرنـي وأنته عن عيوني بعيد

بالحزن..! (أستقبله) و(أصافحه) و(أودعه)...؟!



وكل عام (أترجم أحساسي) من فراقك قصيد

وأقول ياليت القصيد اللي كتبته (تسمعه)



عل وعسى تشتاق لي .. والشوق في قلبك يزيد

لادريت أن الجروح بقلب (...) موجعه ..!!



ياكثر من قال (خله) والمحبه ماتفيد

وياكثر ماقلت (أحبه) من يجيه ويقنعه ..؟!



علموه أني ذكرته بأول العام الجديد

تكفون من يقدر عقب ماغاب .. لي يرجعه .؟



أشتاق له كثر أشتياق (الجد) لعناق (الحفيد)

وأتحمله كثر أحتمال (السد) موج ٍ يدفعه



وأحتاج له كثر أحتياج القلب دايم للوريد

وأنفعه مثل العشير اللي عشيره ينفعه



ذاب قلبي في غيابه مثل ماذاب الحديد

يوم ولعني وخلا نار قلبي مولعه



أشهد أنه مارحمني يوم خلاني وحيد

طاوعه قلبه يغيب .. وكيف قلبه طاوعه .!



ماسمعت .. ألا .. شطر .. ويحـّرك شعور البليد

(ضاقت الدنيا بشاعر طيب قلبه ضيعه)



آتمنــاه .. وأريـــده (والله يفعل مايريد)

وكان مكتوب الغياب..! شـ حيلتي .؟ و كيف أمنعه ..؟؟



علموه أني (فقدتــه) ياعسى عامه سعيد

وعلموه أن (القصايد) فـــي غيابــه تتبعـــه



كل عام يمرني .. يالأسف .. مامن جديد

بالحزن (أستقبله) و(أصافحه) و(أودعه)..؟!



راقت لي جدا أحببت تشاركوني بمتعة قراءتها << اترك بصمة لتواجدك هنا

لهفة شوق

صح لسانك ولسان شاعرها

احترامي وتقديري

اختي لهووووفه

صح لسان شاعرها وسلمت اناملك على النقل الجزل والجميل...

تحياتي لك

محمد وفهم تشكراتي القلبية على مروركم

دمتم بحفظ الرحمن

تحياااااتي

الله راقت لي كلج ذووق يالغلاا
تسلمين على النقل الراقي
وصح لسانج وشاعرها ولاهنتي
دمتي بود واحترام

غنادير

الروعة والذوق انتي عنوانه يالغلا

تسلمين على مرورك العطر

برعاية الرحمن

لهووووفة