أكتب لأبن ساعد ويقرأ قصايدي ( بيني وبين مذكر الروقي)

البارحه الهاجوس خيلٍ وغايره = وشلون أركدها والاعصاب ثايره
أكتب لأبن ساعد ويقرأ جدايدي= عساه يظهر مابقى في ذخايره
يمكن يحل المشكله لادرابها = ويسعف خفوقي يوم بيح سرايره
أسند عليه من المواجع قصيدتي = قصيدةٍ جتني مع الهم زايره
أجر صوتي وأظهر اللي بخاطري = وأنقى معانيها ليا جات طايره
ياخوك أنا همي يحشش علايقي= وأزريت أهدي خافقي يوم أسايره
هموم صدري تحرم العين نومها= جني سوا وخيوله امتغايره
بسباب ريم وقتنا أخلف طبوعها = خلت تفاكيري من الهجر حايره
أرسل مراسيلي وتترك رسايلي= وخلت خفوقي يحرقنه سعايره
مطرد ورا المقفي ولاهي طبوعنا= لكن على ماقيل الايام دايره
لاسلهمت بالعين ضعت بسوادها= أمشي ورجلي وجهة أخطاه سايره
عين الوحش في حين لحظة هدادها= وتشوف صيدتها مع الحزم نايره
شيهانة ياخوك مابه مثيلها = عنق الفريد اللي بلا أسباب ذايره
أقفت وأنا ياخوك مالي بغيرها= ومن عقبها قلبي تزايد خسايره
من عقبها ياخوك كثر ن مواجعي = وأصبر وقلبي من يناحي عزايره
وأشوف لي مزنن تكاشف بروقها = وأصبر وأنا أدري بن الايام جايره
نشوف بارقها ونسمع رعودها = والمزن باقي والمطر مع بشايره


===== رد الشاعر مذكر الروقي=====


يامرحبا بالخط جني قصايره = قريت مكتوبه وشفنا قرايره
جتني مراسيلك وفزيت مرحبا =باللي من اغلا الذود ياخذ حرايره
الحزن والهوجاس والهم ينجلي = ومن يعتنز بالله ينور بصايره
واليا أعتزيت بواحد له فعايله = يشيل من درب المعنى عثايره
أما يشيل الحمل والا يعدله = وألا يجبر من تخالف جبايره
وأن كان تشكي من حبيب معذبك = فالحب ذا فعله وهذي جرايره
يذوقك طعم حلو في بدايته = ولابد من يوم تذوّق مرايره
لكن لاتاخذ على خاطر الجفا = وسع على صدرك وفكك زرايره
أن كانه يحبك ويرجي محبتك = يجيك وعيونه من الدمع فايره
وأن كان ماتملك سبوقه وماكره = فطيور مشبوكه وهذيك طايره
وأنا بعلم كل من يجهل الهوا = وألا أنت تعرف كل نبت وبذايره
الحب ماودك تعلم به البشر = سكر عليه القلب وأغلق ستايره
مير أحتزم بالصبر والله يعينكم = وأصبر وقلبك عن طواريه خايره

صح لسااااااااااااااااانك

ولسااااااااااااااااااااانه

صوت وصدى ولا اروع


مروري وتقديري

يوسف عبدالله الغنامي

مامون الشعر

صح لسانك وكلك

وصح لسان مذكر الروقي

صوت وصدى ترتقي بشعرائها

دمتو ودام وجودكم بالخير

صح لسانك ياابو عبدالله
وصح لسان ابو عماد

ابداع من الشاعرين

تقبل مرورى
اخوك
خالد ابن هجيره

يوسف صح لسانك

ولا هان راس مذكر


صوت & صدى

قمة في الابداع وعلى اصعب بحور الشعر "الله لا يضركم"

تقديري واحترامي

صـــــــــــــح لسااااااااااااانك وصح لسااان الشاعر على هذه

المساجله الرائعه

الله يعطيكم العافيه

تحياتي

	صح السان الشاعرين قصائد ولا ارووع تقبل مروري

أحسنت أخي العزيز/يوسف الغنامي أحسن الله إليك

شكرا لك سيدي الكريم على إتحافنا بهذه الرائعة

صح لسانك ، وبيض الله وجهك ، ولا فض الله فاك

وصح لسان الشاعر الجميل/مذكر الروقي أيضا


دمت بسلام وسعادة وحب وألق أيها الأخ العزيز