كلمتي طاغي صداها

السلام عليكم ورحمة الله وبركاته
اخواني الاعزاء تقبلوا مني هذه القصيده عسى ان تنال اعجابكم
ودمتوا بكل خير وموده

ابتدي بسم ربي واحدٍ فردٍ صمد قبل منظوم القصيده = واتهيض واجر القاف وابدع لي قصيده حزينٍ محتواها
يا هجوسي تعالي والقصايد عادةٍ لي معك ماهي جديده = القصايد لها لذه ليا جا هاجس الشعر مع دمعة غلاها
صابني صاحبٍ لي من صوابه صاب قلبي بصده مع وريده = صابني ثم قفى عن جروحي ما طراله يقرب لي دواها
يا طبيب المحبه طاب حالك هات طبي على نهج العقيده = سو معروف مد كفوف يدك شوف حالي وقرر وش بلاها
البطا طال وجروحي تزايد والليالي على العاشق شديده = ليلةٍ في حمى حلو الجمى عين العمى تبصر ابقربه مداها
ويل حالي ليا مني ذكرته كن قلبي معلق في حديده = تِشرق الشمس فوقه تِشعل النيران تحته وينضج من لظاها
يقطر الدم وسط النار والدخان ظِله مثل ظِل الجريده = تستظِل الذيابه في ظِلاله لين تلفظ نسمها من عواها
يقبِل الليل ودموعي مثل بحرٍ تلاطم به امواجٍ عنيده = يآرد الذود لعيوني ويشرب لين يروى وهي ما جف ماها
واعتلي بالقدم في راس رجمٍ يشقي الخلق في مقناص صيده = وافتكر في زمانٍ قد مضى واجر صوتي وروحي في شقاها
وارسم الصوره الي في خيالي فالفضاء لو ما نفسي سعيده = وابتسم لجل صوره من خيالي فالفضاء يسعد العاشق لقاها
هيه يا صورةٍ جت في خيالي من سببها اشتعل قلبي وقِيده = زحزحي زحزحي ذاك القمر عن مطلعه واطلعي عالي سماها
يقضي الوقت والاعمار تقضي والقضاء حكمة الله في عبيده = كل رجلٍ ليا طال الزمن يبكي دروبٍ على اقدامه مشاها
ما تمنى لقى الغايب كِثر ما منوتي لا غدة روحي شهيده = ان لفى يا هلا به وان رحل ربي معه كلمتي طاغي صداها
لي رصيدي من احزاني وهو لا شك عنده من الدنيا رصيده = مامن الوقت والايام يقهر غدرها خص لا دارة رحاها

اخوكم / سامي الرقيب

الله
.
بجد بجد روووعه صح لسااانكـ
والله يعطيك العافيه



دندونه<< من هنا،، مرت

مآ اجملهآ مِن كلمآت إلىآ عمقْ معنآهآ ..!
..مُميّزه وأكثر ..
صح لـِ سآنِك شآعرنآ سآمي الرقيب
وسلمتـ كفيّك .!

سامي الرقيب
قصيدة عانقت الجمال
بلغة شاعرها وجزالته

واعتلي بالقدم في راس رجمٍ يشقي الخلق في مقناص صيـده = وافتكر في زمانٍ قد مضى واجر صوتي وروحي في شقاهـا
وارسم الصوره الي في خيالي فالفضاء لو ما نفسـي سعيـده = وابتسم لجل صوره من خيالي فالفضاء يسعد العاشـق لقاهـا
هيه يا صورةٍ جت في خيالي من سببها اشتعل قلبـي وقِيـده = زحزحي زحزحي ذاك القمر عن مطلعه واطلعي عالي سماها

ياسلام ياسلام ياسامي
صح كلك وجعل السعد مايملك
ودامت هالشاعريه بكل خير وموده

سامي الرقيب
شاعر غني عن كلمات التبجيل

ولكن للاعجاب دور بالردود فلك اعجابي

وصح كلك عن كل شر ياجزل

الله ..

كيف نترجم ألق هذه الحروف
جمال وصل مداه وتمدد في ربوع السطور

مذهلة كلماتك


لله درك

صح لسانك
لاهنت تسلم يمينك

صح لسانك خيوووو

ولاهنت على هالقصيده

دمت بود