][ الجفآ بالطريق ][ !!

الجفا بالطريق ومستوى هالجفا=يقتل الحلم وحلمي في جنون الطريق
والأمل والحنين اللي يشابه وفا=مارحم من تحمل مارحم من يطيق
والزمن لو بكبره في جفوني غفا=ماطوته المدامع من عيون الصديق

يآحبيبي وانا أدري لو ضميرك صفا=كان ماأمهلت عمري للدفا والحريق
كان شبيت نوري يوم نورك طفا=في محيطات صمتي كالأسير الغريق
المشاوير صلفا.. والأماني دفا=والسراب الطفولي.. والعتب.. والرفيق
ماتنادي لعمرن من منامه لفا=لإبتسامات جرحن بالزمن مايفيق

السعاده تسامت في محيا (أفآ)=والزفير المنادي مارحمه الشهيق
يعني نقول عادي والحزن مانفا؟=صورتن بين قلبي كالشهد والرحيق
أشهد إن المحبه دون هم وجفا=مثل ورد المشاعر وإبتسام الرفيق

اخوي بدر

صح لسانك وصحت يدينك
ابيات كتبت وبقرائتها استمعت
سطرت لنا من اجمل الابيات لاهنت على التميز

تقبل مروري

ألف شكر يآ تلميذه علىآ روعة مرورج ولآهنتي يآذوق !

أشهد إن المحبه دون هم وجفا = مثل ورد المشاعر وإبتسام الرفيق

ياسلام ياسلام
وانا أشهد إنك شاعر وجزل ورائع
كل يوم عن يوم تتجلى بالروعة والجزاله
بدر أل شافي
لله درك وصح لسانك وكلك وجعل السعد مايملك
ودامت هالشاعريه بكل خير وموده

محمد القسآمي - والللللللللللله إني أتشرف بمرورك يآغآلي وألف شكر علىآ خطت أنآملك من عبآرآت وجمل في حقي والله يجملنآ ولآهنت طآل عمرك !

عودة لمرتع الجمال والشاعريه
وتمييز لهذا الشجن المستحق للتمييز
صح كلك يابدر

بدر آل شافي
صح لسانك ولا هنت يالذيب
وبيض الله وجهك
تقبل مروري ودمت بخير وود

صح بدنك يآمحمد القآمسي ولآهنت فديت روحك !