من باب توصيل الرساله لبيطار

السلام عليكم ورحمة الله وبركاته


كل عام وانتم بخير


مشاركه متواضعه اتمنى قبولها بصدر رحب






http://althria.com/up/uploads/x.amr

من باب توصيل الرساله لبيطار=اترك هزيل الشعر واكتب جزيله
بلاش ترقيع القطاعه بالاعذار=اسمك ترى موجود في كل ليله
يوم الرحى دارت تزبنت الاقمار=الكل منكم قام ينفض شليله
والي رماه الحظ في كف الاقدار=انا الذي لاطاح كفي يشيله
جبلك مدقه وطق فالباب مسمار=علق عليه الواحك المستطيله
واكتب عليها مابقى شي ماصار=اعلن نهايات السنين الجميله
للناس ماني راجي ٍ ياهل الدار=لله حسيب العبد والله وكيله
في كل ديرة زارع ٍ نخل واشجار=وظل الشجر للغير ويا حصيله
من كثر ماجربت قلبي غدى اجدار=هذاك يوم إني ماعندي وسيله
اخاف من شوقه تولع به النار=بسباب صد اللي يساوي قبيله

مزبن الجاني

رسالة شاعر تحمل العتب
وتحمل العذر لنهاية سنين رفقة رائعه

مزبن الجاني

شاعر مميز يكتب بلغات الشعر وجمالياتها
ليعبر عن ماشاء
بشاعريه وإتقان
صح كلك وجعل السعد مايملك
ودام هالوجود بكل خير وموده

مرحبا يامزبن الجاني من حضر ماغاب والتواصل عنوان الاحباب وصح لسانك لين ترضى جزل مافيها كلام تقبل مروري وتقديري

صح السانك يامزبن الجاني

تحياتي وتقديري لك

مزبن الجـآني
صح لـِـسآنِك وسلمتـ يُمنآك
لاحُرمنآ آمطآرك العذبه

تحيتي

والي رماه الحظ في كف الاقـدار = انا الـذي لاطـاح كفـي يشيلـه

من بعد الله يالذيب
وصح السانك ولاهنت قصيده تحمل معاني كثيره وفيها من العتب الكثير
لاهنت ورائعه من رائع
تحياتي

مزبن الجاني الله عليك قصيده رائعه وشاعر رائع
تقبل مروري

رائعه هذه الشاعريه المميزه
صح لسانك مزبن الجاني ودام بيانك
إجاده تستحق الإشاده
وشاعرية يقف خلفها شاعر كبير
أدم الله هذا الوهج بكل خير