عين الوحَش عنق المهآ تآخذ ألمآح / الزين شبه به وهو مآ يشبه !!

يافكر قبـل العـام والعـام منسـاح=كثر الطـواري مـا يهـزك مهبـه
داله ومستانـس وطربـن ومرتـاح=مجـزي ولا حسبـت ربعـه وغبـه
واليوم غاديلـك مناحـي ومشـواح=للغرب نبـه واسفـل السيـف نبـه
ماكنـك الا حـر يجذبـه مـلـواح=واشوف حالـك بيـن هبـه وهبـه
انكنت مـن فرقـا المحبيـن بـواح=وش حيلـة افـوادن تـروى بحبـه
بعد الجسـد هيـن ولا بعـد الارواح=عشق ومحبـه مـن بدايـة مربـه
الايام تكـرم مـر واوقـات شحـاح=والسيل بـده ينقطـع مـن مصبـه
اتقول وش باقـي ولاقلـت وش راح=اتعبت حالـك بيـن ظلعـن وخبـه
كان الغضي شفقن على الشوف لحاح=تعن صوبه مثـل مـن ذكـر طبـه
غالي وطاغي في جمالـه وفضـاح=جدايـلـه لـيـل وبــراق لـبـه
عين الوحش عنق المها تاخذ ألمـاح=الزيـن شبـه بـه وهـو مايشبـه
وكانه على فرقاك ماينـس اجـراح=ارفع مقامـك مـن مقامـه وكبـه
تجارب العشـاق تكفيـك الانصـاح=واذا دعـا داعـي المحبيـن لـبـه
الوقت طبعه مـا يطـول بالافـراح=لبانـت اثمـاره مـن العـذق جبـه
خل المحبه تشبه لـنقـش الالـواح=متبينـه باعلـى طويـلـن تنـبـه
خلك فطـن ميـز منـادي وصيـاح=درب الهوا حـذرا يحوشـك مطبـه
يا فكر انا من بينكم صرت مصـلاح=النـار لـو شبـت وزنـا مشـبـه
أحمس عليه الحب واجيـد الانجـاح=من دون مـا نحرقـه حبـه وحبـه
واليا ارتفع من دونها الموج سبـاح=اللول لجله غصـت تسعيـن غبـه

يـ الله مآ اجمل هذه القصيده ..
صحت يمينك على آوتآر الإبدآع تتغنىآ عذوبتاً
رآئِعه وأكثر .. أخي الشآعر بدر آل شآفي ..
لا فضَّ فُوكَ , ولا حُرمنآ أنامِلُك ..

تحيتي

ولا أروع شاعرنا

صح لسانك ولاهنت

للقصيدة الشامخة الجميلة

بسم الله ماشاء الله

شاعر يغرف من بحر شعره وشعوره

وجود للإستمتاع بين ثنايا هذه الرائعه

ولي عودة تليق بالشعر والشاعر

الاعجاب يابدر والتحيه والتقدير وصح كلك عن كل شر

بدر ال شافي
صح لسانك ولاهنت
كل الشكر لهذا النص االجميل
دمت متميز مبدع في قصائدك
تحيااااتي لك

صح لسانك

جزاله بقوة اتيت بها

أحسنت أخي العزيز/بدر آل شافي أحسن الله إليك

شكرا لك سيدي الكريم على إتحافنا بهذه الرائعة جدا

صح لسانك ، وبيض الله وجهك ، ولا فض الله فاك

دمت بسلام وسعادة وحب وألق أيها الأخ العزيز