"صفحة ملفي"

مها..تكفين مافينـي يكفّـي=أنا مْنْ العام دمعي مايجفّـي
كفايـه لاتثيريـن العواطـف=يكفي مابقلب أختـك يكفـي
أراعي خاطرك وامسح دموعك=واضمّك وابلع العَبْرَه وأخفّـي
تقولين الدرااسه مـا نبيهـا=أبويه غاية امـرادي وشفّـي
وأنا مثلك مناة الروح شوفـه=ولكـن القـدر عيّـا يوفّـي
إلى من حان لي وقت الزياره=يفز القلب وعْيونـي ترفّـي
وهو يفرح وأنا افرح لالفيتـه=ومن كثر الغلا دايـم بْصفّـي
أنا عزّي وعزّك فـي حياتـه=عذابي كان نور البيت طفّـي
ولكن دام ياعيونـي حزينـه=تعالي وافتحي صفحة ملفّـي
تعالي واقْرَيْ أشعاري وشوفي=قصيدٍ أكتبه من يـوم أقفّـي
أنا من يوم أقفي مـن دْيـاره=ودْموعي فوق خدي ماتْكُفـي
يحق ألنا البكاء لامن بكينـا=مكانٍ غير حضنـه مايدفّـي
عقب هامة شموخه والزعامه=طريح افراش واسْواة امتوفّي
تحت رحمة كريمٍ نلتجي بـه=ونعم(ن) به عن العالم يكفّـي
يطهّر ماعليه مْـنْ الخطايـا=ويرحم دمعـةٍ عيّـت تجفّـي

هلا بهالبوح ياشاعرة نجد
ماينطق الشاعر غير من مابه
صح لسانك وأعتلا شانك
وأسأل الله العلي القدير بأن يحفضه لك ولمها
ويلبسه لباس العافيه ويشافيه ويعافيه
ويطهره من الخطايا والذنوب ( اللهم أمين )
دمتي ودام هالوجود بكل خير

صح كلك عن كل شر والله يقر عينك بشوفته سالم ويكفر عنه بما جاه كل خطيه مروري وحترامي يابنت الرجال والعذر فالقصور تقبلي تقديري

بالفعل قصيده أثرت فيني

والله يقومه لكم سالم غانم

ويطهره من الأخطايا كما يطهر الثوب الأبيض من الدنس

ويخليلك أختك مهااااا أمين يارب

صج لسانج أختي شاعره نجد

ودمتي سالمه يارب .

الله يشفي والدك ويقومه بالسلامه أن شاء الله


صح لسانك وعلا شانك

طهور باذن الله كل ما اصابه

وربي يقومه لكم بالسلامه

مشاعر مترفه اسابت بمصداقيتها

صح لسااانك

ولاهنتي

النااااايف

أحسنتِ أختي العزيزة/شاعرة نجد أحسن الله إليك

شكرا لكِ سيدتي الكريمة على إتحافنا بهذه الرائعة جدا

حفظكِ الله لمها وحفظ مها لكِ وشفى والدكما إنه سميع مجيب

دمتِ بسلام وسعادة وحب وألق أيتها الأخت العزيزة

صج لسانك شاعرتنا

لك تقديري