الصراااااحه

ماني بحب مجامل الناس لنـــاس= أحب من يحكي كلامه صراحـــــه
لوكان جارح لو على القول حساس =علمه صحيح وصايبات(ن) رماحـــه
مثمن (ن) قوله ولا هو بدلاس= يــقــول رأيه ذم و الا مــــداحـــه
إن جاملوا ناس(ن) على ضدهم قاس= ماهمه اللي قال هاذي وقاحــــه
يجيب علمه كنه الدّر والمــــــاس = ويخلي النبـــــــــــاح يكثر نباحه
كنه يدن بداخله كل الأجـــــــراس = ويتابع الصيحات صاحة وصاحــه
وينبهك من وسوسة كل وسواس = اللي يحطون المصـــاخة ملاحــــه
من تابع المداح لابد ينحــــــــاس = ما يعــرف الراحة ولاذاق راحــــه
إلزم على اللي مدحته صدق نبراس = وإلها دليل (ن) من شقاه وكفــاحه
شخص(ن) يخلي كلمته كنها ســـاس = يبني عليها اللي سمعها نجــاحــه
هذاك صدق اللي نحطه على الراس = لا جامل الكــذاب جاب الصــراحه

إلزم على اللي مدحته صدق نبراس = وإلها دليل (ن) من شقـاه وكفاحـه
شخص(ن) يخلي كلمته كنها ساس = يبني عليها اللـي سمعهـا نجاحـه
هذاك صدق اللي نحطه على الراس = لا جامل الكـذاب جـاب الصراحـه

الله الله

عبدالله الدهيمي كالعاده بل وزياده
لاتأتي سوى بالرائع والجزل
صح كلك وجعل السعد مايملك
ودام هالبوح بكل خير وموده

شآعرنآ الرآئِع عبد الله الدهيمي
صح لـ سآنِك مدد بلا عدد
قصيده جميله وأكثر ..

..سلمت كفوف التألق..
تحيتي

انت غير ياعبد الله

صح والله لسانك لين ترضى

وسمحلي الوقوف طويلاً امام هذه المتغطرسه

مع تقديري الابدي

رائعه واكثر
من شاعر مميز
سلمت يمينك يالرائع
وصح لسانك ولاهنت

لآ يأتي بـ المميز إلا المميز

صح لسانك شاعرنا وعلا شأنك

أعجبني جدا ماقراته هنا

صح لسانك شاعرنا

أحسنت أخي العزيز/عبدالله الدهيمي أحسن الله إليك

شكرا لك سيدي الكريم على إتحافنا بهذه الرائعة

صح لسانك ، وبيض الله وجهك ، ولا فض الله فاك

دمت بسلام وسعادة وحب وألق أيها الأخ العزيز