آخر 10 مشاركات
|
|
|||||||
| مرسى النقاش .. تتعالى الأصوات بلسان عربي مفوه وحجه بينه .. |
 |
| انشر الموضوع |
|
|
أدوات الموضوع
|
انواع عرض الموضوع
|
|
آخر 10 مشاركات
|
|
|||||||
| مرسى النقاش .. تتعالى الأصوات بلسان عربي مفوه وحجه بينه .. |
|
| انشر الموضوع |
|
|
أدوات الموضوع
|
انواع عرض الموضوع
|
07-06-2009, 02:35 PM
|
#1 | |
|
•(-•محبوبة رواسي•-)•
|
النظره الشرعيه للولد مو لحد ثاني
السلام عليكم اليوم بقول لكم قصة وحدة من البنات بس هذي القصه انا متأكده انها حاصله في كل بيت فيه بنت في سن الزواج و اخوانا الشباب ما حسو لا فينا ولا في خواتهم و كل ام حاسه ببناتها بس احساسهم مايغير شي بالموضوع مابي أطول عليكم بدخل بالقصه على طول 7 7 7 ام عبير اتصلت عليها حرمه تخطب لولدها خالد و تمدح فيه و تمجده كأنه أحسن ولد في العالم وتسئل عن عبير تقول : والله يا ام عبير يقولون بنتك عبير حلوه صدق؟؟ ام عبير ترد :الحمدالله بنتي جميله و مايعيبها شي  ام خالد : عساها طويله ؟ عساها بيضاء؟ شعرها ناعم ؟ كيف جسمها بالله وصفيها لي ام عبير تحاول تجامل وتمسك اعصابها ام خالد : ها يا ام عبير متى يناسبكم نجي نشوف البنت !! ام عبير: والله يا ام خالد عبير تفضل ان الولد يجي وبعد مانسئل عنه هو يشوفها ام خالد : وشوووووووو من جدك اصلا البنت مالها راي الشور شور اهلها وانا لازم اشوف الي ولدي بياخذها يناسبكم باتسر؟؟ ام عبير برد لك بكرا تنتهي المكالمه وتنادي الأم بنتها وتقولها ها وش رايك موافقه عبير : على ايش؟ الأم :على الولد عبير : لا شفته ولا عرفت عنه شي وشلون اوافق الأم :خلاص بواعد اهله وشوفيهم عبير : وش ابي بأهله باخذه هو ولا اهله و بعدين فكينا من سالفة الأهل احنا اتفقنا اي موضوع يكون بينا وبين الولد على طول انا ماابي اعرض نفسي على الحريم انا انسانه مو ناقه مميزه جايين يشترون و البيع ل أعلى سوم كم مره دخلت على حرمه و حرمه يجووون ساحبين خواتهم و بناتهم وقهوه وشاهي و معجنات وحلا وكركره والفرجه بلاش وبعدها يروحون ولا نعرف ردهم خلاص انا مليت انا انسانه عندي كرامه و مشاعر ومابي هذا الوضع يمه خلاص  الأم مصر على انهم يجوون وش تسوي تبي الستر لبنتها !! عبير تستسلم زي العاده بعد ماقالت لها امها جهزي لبسك مانبي لا بنطلون زي اول مره يمكن كان هو السبب ولا تنوره قصيره زي ثاني مره و شعرك لاتخلينه كيرلي هذولي يحبون الناعم و دهني بفكس خلي لونك يفتح تراهم يحبون البياض !!!  عبير جوابها !!لاتعليق تاخذ عبير جوالها وتكلم صاحبتها ساره و تطلب منها لبس يناسب اصحاب المعالي و يعلنون حالة استنفار في البيت لأستقبال الضيوف الموعودين الأطفال يرسلونهم لخوالهم و صياني الحلا و الموالح تتجهز و البخور يتولع و يجون الضيوف و تستقبلهم الأم طبعا ام الولد و توابعها اختها بنتها بنت خالتها اللي يجي ماهي الفرجه بلاش بعد السوالف و القهاوي تدخل عبير و العيون تراقب داخله وهي كأنها تقول شوفوني عساني عاجبتكم عساني مطابقه للمواصفات و المقاييس !! تطلع و يطلعون وراها من ذلك منزل الذي احتفاء بهم وكرمهم وعرض لهم سلعه من سلعه والابن ينتظر هاه عساهم جازتلكم (( و ((اه بس يامخفه لو بتشتري سياره انت اول من يحددها يمر يوم يومين ثلاث اربع ولاحولك احد محد دق ولاحد اتصل والبنت تقول خلاص ميئوس منهم وتمر الاشهر والبحث جاري مابين بيوت خلق الله مافيه بيت ماطقوه ولافيه عائله ماشافوا منها والابن في انتظار و البحث جاري و المشاعر مالها حساب عندهم البنت تبدا توسوس وش فيني انا شينه؟ طيب الكل يقول عني حلوه؟ ياربيه معقوله اعنس؟ معقوله محد يبيني!! طيب ليه ما ردو !! ويبقى السبب مجهول و عبير خاطرها مكسور مين يواسيها !! امها الي ضايق صدرها اكثر منها على كسرة خاطر بنتها ولا الخطيب المجهول !!الي يمكن حتى هو مايدري ان اهله جايين يشوفون له طبعا محد رح يواسيها صديقاتها مثلها سعوديات بعد و النظام ماشي عليهم يعني لا تشكيلي واشكيلك ولا تبكيلي و ابكيلك ولا صاحبتها اللبنانيه عشان تضحك عليها و تقولها لك شو هالتخلف .............. يا ناس حرام عليكم الله و رسوله ما قالو كذا ليه أجازو النظره الشرعيه لأن الولد نظرته غير عن امه مره حريم رايحين يشوفون وحده لولدهم و والولد هو الي موديهم لمى شافه الأبو عند الباب سلم عليه و دخله واعجب بأسلوبه وقاله بنادي لك بنتي و شافها وشافته طلعو اهله من بيت البنت وهم يقولون البنت ما تصلح شينه الولد قال الا تصلح و انا شفتها و اعجبتني و تزوجو و انسترو مايستفاد من الحكي هذا كله و القصه ياناس احنا بنات حمايل وعايشين ونتنفس اسئلو عنا وبتجيكم مواصفاتنا بعدين يجي هو وشووله تجون انا باخذكم واالا باخذ ولدكم ياعالم متى تحسون بهالوضع تراه جدا مزري ومدمر نفسيا وغير لائق اخلاقيا لا ومصيبه بعضهم يشوفونك شهر 5 ويستكون يجي شهر 12 يدقون يقولون نبغها المحلات وهي محلات 3 ايام مهله بعدها معاد يلتفتون لك وهي جماد ياناس حسووووا ليش مانعالج هاالمشكله لو كل بنت ترفض ان الأهل يجون و تشرط ان الولد بس الي يشوفها رح يتغير الوضع التعارف بين الأهل يتم ان شاءالله اذا تمت موافقة البنت و الولد وشافو بعض كل وحده لازم تفكر في غيرها اخوك اذا جاء يخطب حاولي تفتحين مخ اهلك الي يبغاك يجي يشوفك هذا الجاد والي شاريك وشاري اخلاقك ونسبك واذا شافك ولد كملت وصارت لمظهرك ولو ماصار شئ فخلاص القرار صدر من صاحب الشان مو من 3 الوكلاء الي يجون وانت ياعريس الغفله ليه ما تقرر بنفسك كم وحده ووحده راحت عليك وكان ممكن تسعدك و تسعدها و تعجبك و تعجبها بس ذوق خالتك ولا امك ما كان نفس ذوقك انت الي بتتزوج ولا اهل البيت !! |
|
|
|
14-06-2009, 03:09 AM
|
#2 | ||||
|
هلابك يانوف
وهلا بهذا الطرح كثر الكلام وأحتد النقاش على هالموضوع كثيرآ ولكن مانراه يخالف كل ماذكر إلا في حالات نادره جميعنا يعلم بأن البعض لايؤمن بالنضرة الشرعيه وخصوصآ عند القبائل المحافضه والبعض يراه خطئآ ولكن هو عين الصواب فالولد لن يتقدم سوى لأبنت عمه أو خاله أو قريب وتكون هذه البنت معروفة قبلآ لديه في سن الصغر ومعروفة لدى والدته وأخواته فيتم الزواج وتتم معه الأمور الأخرى بكل أريحيه ولكن نأتي للوقت الحاضر لنجد الولد يقول أبي النضره والبنت أبي النضره طيب ليش الجواب ,, يمكن ماهو حلو ( الله لايحلي فال واحد فيهم ) هل الزواج من الشاب لوسامته أم لرجولته وتقديره للحياة الزوجيه وهل مطلوب بأن يكون شديد البياض محمر الشفتين وسيع العينين ( صار بنت وتزوج بنت ) لا لا لا فالباحث عن الستر والباحثت عنه لم ولن يفكرو هكذا أما عن الزواج من خارج القبيله ,, فليس من أحد معارض على النضرة الشرعية للولد والبنت في آن واحد وليس عيبآ السؤال عن أخلاقيات وتربية كل منهما أما أن نحدد قبلآ أريد هكذا وهكذا وهكذا فلن يتم شي ولن نجد مانبحث عنه لأن الحياة الزوجية تكافؤ يتم بعد الزواج لا قبله أما عن الخطابات فالعقل يقول لن ترضى الأخت ولا الأم بمن هي جميلة حسناء أجمل منهن بل من القربة منهن ومن تفعل مايشتهين وجهة نضر قد تحمل الصواب وقد تحمل الخطأ نوف شكرآ لهذا الطرح وهذا الوجود |
||||
|
|
18-06-2009, 12:36 AM
|
#3 | |
|
•(-•محبوبة رواسي•-)•
|
محمد القسامي
جميل ما ذكرت لكن في هذا الوقت الحاضر الكثير يطلب هذي النضره وانا معها وليس ضده بس تكون في حدود ولكن اذا تم للقاء وما كان في نصيب ما هي راح تكون حالة البنت الان هي للي راح تكون في موقف حرج لكن لو صار العكس انو البنت هي للي قالت ما عجبني شو راح تكون ردة فعل الشاب هل يندم على طلب النضره الشرعيه او لا او هل تنقص من رجولة الشاب اما لا لكن في الاخير ما نقول الا غير الله يكتب للي في الخير للجميع مع اجمل تحياتي |
|
|
|
|
16-08-2009, 05:05 PM
|
#4 | |
|
المفروض ان يشوفون بعض قبل الزواج
وهاي النظرة الشرعية .. يعني اهما ما بيسوون شي غلط بالعكس ... شلون الواحد او الوحدة يتزوجوون انسان عمرهم ما جافوه !!؟ الف شكر عالطرح المهم الصراحة .. |
|
|
|
18-08-2009, 01:02 PM
|
#5 | |
|
اختي العزيزه
هذا الشي امر من الله ورسوله وهو حق من حقوق الاثنين والشي هذا مايزعل لأن فيه مشكله ماتطرقتولها وهي مفاجأة ليلة العرس حيث يتفاجؤن ببعض ويرضخون للامر الواقع ويكون لها اثار سلبيه لهم في الحياة المقبله تحياتي لك وللموضوع الرائع وانتبهي توافقين بدون نضره شرعيه دمتي بود اخوك / عبدالرحمن ابن حجري العتيبي |
|
|
|
20-08-2009, 04:17 AM
|
#6 | |
|
,, ( شاعـر ) ,,
|
نـــوفـــ
والله كلامكــ سليم 100% بس فيه ناس يوافقون على النظره الشرعيه..؟ ما أعتقد أغلب العوائل ضد هذى المبدء .. ! ولا ننكر ان بعظ العوائل مافيه اي مشكله او شوشره بنسبه لنظره الشرعيه.. في الحقيقه < أنا ودي بنظره الشرعيه بس خابر لو أصر على ذ1 المبدأ مانيب متزوج من اللي انا أبي لا كن أحمل مسؤلية سعادتي للوالده الله يطول بعمرها أكيد اني بعطيها لمحه عن ذوقي وهي تبهر من عندها والله الموفقـ تقبلي مروري أرقـ التحيا |
|
|
|
|
21-08-2009, 11:24 PM
|
#7 | |
|
•(-• بنت شــيوخ •-)•
|
."
الصراحه انا ضد النظره الشرعيه بعهد الرسول صلى الله عليه وسلم أباح لهم النظره الشرعيه لانهم ما يتكلمون عن أعراض النااس , أو عن اوصاف بنت فلان وعلاان اما هالايام ماكو ثقه أبدااا علشان جذي العوائل غالبا يرفضوون النظره الشرعيه وبالأخير الاختلاف بالرأي لا يفسد للود قضيه دمتي عزيزتي ." |
|
|
|
|
22-08-2009, 12:33 AM
|
#8 | |
|
اود ان اقسمه لقسمين
العادات العادات هي ما تربينى عليه وهي اساس وقانون الحياه لنا ونتشرف بها وهي ليست تخلف النظره الشرعيه هي اسمها نظره شرعيه وليست طك حنك والتمقل بالمحاسن فهل هذا التحضر والتفتح ( بنظرك ) حضور الام والاخت قبل الشاب هي لنقل لشاب ان البنت تصلح شكليا اما داخليا كاطباع او اخلاق لا تحددها زياره وفي حال الموافقه ياتي الشاب وتكون هناك نظره اقصد نظره شرعيه تحاملتي على الرجل كثيرا اختاه اقصد تحاملتي على عريس الغفله كثيرا اخوكم المهاجر |
|
|
|
|
|
|
العرض العادي
