لعاد تـبـكـي يـا فلسطين حنا

مـرحـوم يـا وقـــتٍ مضا فـيـه كنا=ســادات قــوم وفعلنا يجـلي الهم

وقـتٍ مضى فيه الـ فلسطين صنا=وحدودنا فـي داحت الغرب ترسم

مـيـر انتـهـيـنى يــوم للقدس خنا=ومـعـاد فـــي حــال الميامين نهتم

لـعـاد تـبــكــي يـا فلسطين حـنـا=ما ننصرك لـو تــذرفي دمعتك دم

بـغـداد بـعـدك مــــن فـعـلـنـا تونا=شوفي بهاالسنه من الفرس تعدم

وارهـابـهـم مـصــنـوع فـيـنـا ومنا=ارهـاب مـجـرم للعرب كيف يـرحم

حـنـا لكم مـن مـاضي الوقت هنا=ماكن من يقتل فـي القدس مسلم

جـيـنـا نــبــي نــرقــا ولـكـن نزلنا=تـحـت الــوطــى والغرب عنا تقدم

ومـعـاد يـرتـاع الـــردي مـن زعلنا=لـنـه زعــل مـصــنـوع فلم ومترجم

بـ الـهرج حـنـا بـ الـعـدو قد فعلنا=نـفــخــر بـ تـاريــخ ابفعلنا تحطم

بس فـي الحـقيقه والله انا خسرنا=هيبه بناهـا اللي بـ الافعال صمم

تاريـخ يـشكـي لبـيـض الـوجه عنا=اللي غــدى فــي جـنـة الخلد ينعم

يقول خلفك مـا جـرى اللـي أتمنى=لوك تشوف اللي جرى كان تصدم

صحيح حنا بـ الحكي ما انكسرنا=الهرج واجـــد مـيـر الأفعال تحكم

لـو كـان فـيــنـا غـيـرتٍ كـان قـلـنـا=يـا قدس ما نرضا مـن النذل تهدم

لـكـن ســكــتـنـا للــيـهــود وقـبـلـنـا=عـيـش الـذليل وقدس الاحرار يزهم

فـيـنـا ويـنـخـى جـيـش زبـن المجنا=لـيـت العرب تـاقـف عـشـانه وتهجم
عـلـى الـيهـود اللي غزت في وطـنـا=شعبٍ وقـف دون الـوطـن مـا تقسم

ضعنا وعـن قـدس العرب مـا سئلنا=وحنا عـن أوضاعـه في الأسر نعلم

كـنـا كــــرامٍ مــيــر وشــلـون شـنـا=وشـلـون صـرنـا للــمــلاعيـن نخدم

طـحـنـا وطـــاحــت دون حيله قيمنا=وصـرنـا على قول المثل اكــل وانطم
يـا رب فــــي حــــرب المـلاعـيـن عنا=وانصر شعب قلـبـه تـقطـع من الغم

ويـا رب غــيــرنــا أو اقــبــل بـ اجلنا=ما دام حــنـا فـ اول الـحــرب نـهـزم

الـشـاعـر بـشـيـر العتيبي

عبدالله الصقري ,النجلاء ,ناصر الهواوي و 4 آخرون معجبون بهذا

محمد الغنامي ,رحيل ,ملكة الرواسي ,حمد الحربي

الله الله صح لسانك مبدع
لاهنت وولا هان قافك كل التحيه والتقدير لك

يعطيك العافية شاعرنا
نص راقي لا هنت

صح لساااااااانك الى مالا نهاية .
النصر آت والتحرير قريبآ جدآ بإذن الواحد الاحد ،
وستظل هذه الأمة باقية إلى يوم القيامة ،
أمة منصورة عزيزة لا ترضى بالذل .

ناصر الهواوي ,حمد الحربي معجبون بهذا

الله الله
بشير العتيبي
صح لسانك واعتلا شانك
مبدع وجزل وشعور جميل ونبيل
سجل اعجابي وتقديري
ولك اجمل تحيه

ناصر الهواوي معجب بهذا

صح الله لسانك يابشير ولاهان راسك

صح لسانك واعتلى شانك شاعرنا

وبيض الله وجهك ع هذه الابيات الجزله
من جزل
والله يدوم عليك الصحه والعافيةة

ذكرتني بقصيدة ابو هذال الله يشفيه

يقول مقطع منها

الله وأنـا سألـه يدمـر أسرائـيـل =ينشي غضب ربي عشاء ويهجدها

يلقح بسحب مثـل حمـر الغراميـل =عـجً مطرهـا والـزلازل رعدهـا

تنثر سخط منها الصواعـق نوازيـل =يسكـر هواهـا ويتصلـخ بردهـا

يجتثهـا الرحمـن بجنـاح جبريـل =وتصبح معالم للعـرب مـن بعدهـا

تكتب علـى الخنزيـر طـه وتنزيـل =يانجس مبداهـا ومااكبـر حقدهـا

والله جريمـة منـكـرة يارجاجـيـل =حتـى الـدول بأعرافهـا تنتقدهـا

الصبح فوق كلابهـا تلقـاء النجيـل =جرثومةً دب المرض فـي جسدهـا

أستفحلـت والـي عليهـا مهابـيـل =قامت على أنجاب الخيانـة عمدهـا

الله الله
ياسلام عليك وصح الله لسانك مدد بلا عدد شاعرنا
نسأل الله النصر القريب ان شاء الله
ابدعت كما تعودنا من سموك الابداع والحضور المميز
دمت ودام مداد قلمك ورقي حرفك الفاخر
تقديري وتقييمي لسموك
النجلاء