احنّ واعود !

مساكم الله ب الخير ..

تقبولها كما هي .. بدون اي تعديلات

من الراس للموضوع ..

ياللي غلاك بكل ميزانً .. يزود=كبدي مقادير الحياه اشلحتها

في غيبتك ماني مع الناس موجود=فقدت بعدك ضحكتي وبركتها

ازعل عليك احيان واحن واعود=مافيه سكّه ضيقتي م اسلكتها

عقب بنينا الصرح ي ناعم العود=قامت تهد يديننا مابنتها ..

ياشبه من داجت ولا ردها حدود=كل الوصوف الراهيات احتوتها

وضحاً ردوم ولا على زودها زود=كل البكار الناهيه من تحتها ..

جلً عريضة جنب وسهيفة خدود=كن البرد متجمّعن ... فوبرتها

والعين تاخذ من لياليّنا السود=وقامت تباهى بوجهها ورقبتها

متيّهه من دونها جدود وجدود=ترعى مقاديم الحياء ودبقتها

في عبلةً من دونها الباب مسدود=عن كل شاوي وسطها ماكفتها

ترعى ومرعاها .. ياكم بيّح سدود=وتشبع ضحى من ربلها وازهرتها ..

في ضفّ عوداً لازعل قال انا العود=حب البداوه في ضميره نحتها

ماحط في نفسه مع الوقت منقود=يتبع هوى ذوده .. وعينه جهتها

ماله هروج الا مقيمين .. ونقود=مجنباً بعض البشر .. وألسنتها

وختامها صبري على البعد محدود=نفسي هموم الوقت بعدك بلتها

عبدالله الصقري ,رحيل ,عبدالله الدّنّيش و 10 آخرون معجبون بهذا

روابي ,الشامخه ,ريوف ,ناصر الهواوي ,هماليل ,نايف خويتم ,محمد الغنامي ,ماجد بن رتيق ,النجلاء ,غيمة جنوبية

سامي صح لسانك ملاييييين
نص جميل وراقي يعطيك الف عافية
.

الله الله
ياسلام عليك ياسامي
وصح الله لسانك مدد بلا عدد
ابدعت وامتعت كما تعودنا من سموك الابداع والامتاع والحضور الملكي
دمت ودام مداد قلمك ورقي حرفك الشامخ
تقديري وتقييمي لسموك
النجلاء

صح لسسآنك سامي

ويسلم رآسك

ويعطيك العافيه

على هالرآآآئعه

أبدعت و أمتعت
صح لسانك و علا شأنك
حماك الله
ورعاك
و أبقاك








تقديري و تحاياي

سامي الغنامي
صح لسانك ملايين
ابيات جزله وكلها فخامه
من شاعر مبدع وجزل
يعطيك العافيه
تقديري لك

جماااااال وكماااااال



ودي وتقديري واعجابي

سامي الغنامي
صح لسانك مليون يالجزل
جزل ومبدع ولاهي غريبه عليك
لافظ فوك ولا الجم لسانك
سجل اعجابي وتقديري
ولك اجمل تحيه